Qazirgi tańda tólem kartalar arqyly zat satyp alsa, jumsalǵan somanyń belgili bir paıyzy klıenttiń shotyna aýdarylady. Sondaı-aq belgili bir dúkenderde tólem jasaǵan ýaqytta, karta ıesine belgili jeńildikter beriledi. Bul – ártúrli saýda salalarynda kezdesetin klıent tartýdyń keń taralǵan ádisiniń biri.
Karta ıesine sharıǵatta tyıym salynbaǵan erekshelikterdi berýge ruqsat etiledi. Mysaly, karta ıesine qyzmet kórsetýde artyqshylyq berý, áýe kompanıalarynda, qonaqúılerde nemese meıramhanalarda baǵany tómendetý sekildi jeńildikter beriledi. Berilgen bonýstar klıentterdi yntalandyrý bolyp sanalady.
Birinshisi, tólem kartalary sharıǵat talaptaryna saı bolýy kerek. Kredıt kartalaryn (Credit Card) paıdalanyp, ol úshin bonýstar alýǵa bolmaıdy.
Ekinshisi, túsken bonýs sharıǵatta tyıym salynǵan bolmaýy kerek. Mysaly, tyıym salynǵan jerlerge kirý bonýs retinde berilse, qoldanýǵa ruqsat etilmeıdi.
Úshinshisi, bonýstyń esesine klıentten komısıa alynbaýy kerek.
Tórtinshisi, bonýs qaıtymsyz bolýy kerek. Eger bonýs sebepti taýardy qymbat baǵamen satsa jáne klıent bonýsqa qol jetkizý maqsatynda taýardy satyp alsa, qumar bolyp sanalady.
Joǵaryda keltirilgen sharttarǵa saı bolsa, tólem kartalary arqyly túsken bonýstardy, jeńildikterdi qoldanýǵa bolady. Al sharttarǵa saı kelmese, qoldanýǵa bolmaıdy.
Ekonomıka tilinde «keshbek» sózi aǵylshyn tilinde «sash» – naqty aqsha, «back» – qaıtarý degendi bildiredi.