Jeńildetilgen avtonesıe baǵdarlamasy boıynsha kólik satyp alýǵa Almaty qalasy boıynsha 7 031 ótinish túsken

 Avtokólikterdi jeńildetilgen nesıemen berý baǵdarlamasyna taǵy 10 mlrd teńge bólindi, dep habarlaıdy Almaty-akshamy.kz QazAqparatqa silteme jasap. 

 Indýstrıa jáne ınfraqurylymdyq damý mınıstrligine qarasty «Ónerkásipti damytý qorynyń» málimetterine sáıkes, atalǵan baǵdarlamaǵa jospar boıynsha 100 mlrd teńge qarastyrylǵan. Alǵashqy 90 mlrd teńge osydan úsh aı buryn bólindi.

Qor dereginshe, 4 paıyzben beriletin avtonesıe baǵdarlamasyna qatysýshy «Eýrazıalyq bankke» - 35 mlrd, «Bank Sentr Kredıtke» - 27,5 mlrd, «Halyq bankke» - 22,5 mlrd jáne «Forte Bank»-ke 15 mlrd teńge bólingen.

«Búgin qalǵan 10 mlrd teńge bólindi», - delingen usynylǵan málimette.

«Ónerkásipti damytý qorynyń» aqparatyna qaraǵanda, avtokólik satyp alýǵa óńirlerden túsken ótinishter sany kelesideı:

Almaty qalasy – 7 031 ótinish;

Nur-Sultan qalasy – 5 381 ótinish;

Shymkent qalasy – 4 664 ótinish;

Qostanaı oblysy – 2 465 ótinish;

Qaraǵandy oblysy – 2 109 ótinish;

Shyǵys Qazaqstan oblysy – 1 732 ótinish;

Pavlodar oblysy – 1 442 ótinish;

Aqtóbe oblysy – 1 144 ótinish;

Jambyl oblysy – 1 112 ótinish;

Qyzylorda oblysy – 815 ótinish;

Mańǵystaý oblysy – 720 ótinish;

Atyraý oblysy – 616 ótinish;

Batys Qazaqstan oblysy – 594 ótinish;

Aqmola oblysy – 571 ótinish;

Soltústik Qazaqstan oblysy – 524 ótinish;

Almaty oblysy – 470 ótinish;

Túrkistan oblysy – 148 ótinish.

Búginge deıin jeńildetilgen sharttarmen nesıeleý baǵdarlamasy boıynsha 10 015 qazaqstandyq kólik alǵan. Al jalpy 4 paıyzben temir tulpar alýǵa nıetti 31 538 qazaqstandyqtan ótinish túsken.