Marafonnyń jalpy qashyqtyǵy 1200 shaqyrymdy quraıdy.
Bul týraly QR Mádenıet jáne sport mınıstrligi Sport jáne dene shynyqtyrý isteri komıteti tóraǵasynyń mindetin atqarýshy Bekbolat Baıjanov aıtty, dep habarlaıdy QazAqparat tilshisi.
«Bıyl Petropavl qalasynda ákimdikter arasynda, memlekettik qyzmetshiler arasynda úlken jarys ótkizdik. Odan keıin Jetisý oblysynda Aýyl jastary oıyndary ótti. Sonymen qatar búgin Nur-Sultan qalasynda mınıstrlikter qyzmetkerleri arasynda spartakıada ótip jatyr. Osy jeksenbige deıin jalǵasady.
Qyrkúıekte Shymkent qalasynda estý qabileti tómen jandar arasynda respýblıkalyq spartakıada uıymdastyrylady.
1 qyrkúıekte Túrkistan qalasynda «Turan barysyn» ótkizýdi josparlap otyrmyz.
Sonymen qatar 15-30 qyrkúıek aralyǵynda kópkúndik «báıge-marafon» ótkizý kózdelgen. Ol Nur-Sultan qalasynan bastalyp, Qaraǵandy, Ulytaý oblystary arqyly ótip, rýhanı astanamyz - Túrkistanda jalaýyn tigedi. Bul marafonnyń jalpy qashyqtyǵy 1 200 shaqyrymdy quraıdy. Ár oblystan 20 komandadan qatysady», - dedi B.Baıjanov.
Onyń atap ótýinshe, búginde elimizde 6,5 mln adam sportpen júıeli túrde aınalysady. Bul jalpy el turǵyndarynyń 34,2 paıyzyn quraıdy.