Memlekettik keńesshi Sybaılas jemqorlyqqa qarsy is-qımyl jónindegi komısıa otyrysyn ótkizdi
Memlekettik keńesshi Erlan Qarınniń tóraǵalyǵymen Qazaqstan Respýblıkasy Prezıdenti janyndaǵy Sybaılas jemqorlyqqa qarsy is-qımyl máseleleri jónindegi komısıanyń otyrysy ótti, dep habarlaıdy Almaty-akshamy.kz Aqordaǵa silteme jasap.
Jıynda bilim jáne densaýlyq saqtaý salalaryna qatysty Sybaılas jemqorlyqqa qarsy is-qımyl jónindegi keshendi jospardyń oryndalý barysy qarastyryldy. Memleket basshysynyń tapsyrmasy boıynsha qolǵa alynǵan bul jumys turmystyq sybaılas jemqorlyqqa qarsy is-qımyldyń mańyzdy bóligi bolyp sanalady.
Talqylaý qorytyndysy boıynsha Memlekettik keńesshi quqyq qorǵaý jáne baqylaýshy organdardyń aqparatyna sáıkes tıisti memlekettik organdar tarapynan atqarylǵan jumysqa qaramastan, atalǵan salalarda sybaılas jemqorlyqqa qarsy is-sharalardy kúsheıtý qajet ekenin atap ótti.
Osyǵan baılanysty múddeli memlekettik organdar aldynda Keshendi jospardy ózektendirý jóninde mindetter belgilendi.