Onyń ishinde Almaty oblysynda 11550 oryndyq 10 mektep bar.
QR Oqý-aǵartý mınıstrligi "Qurylysy jáne rekonstrýksıalanýy Bilim berý ınfraqurylymyn qoldaý qorynyń qarajaty esebinen qarjylandyrylatyn orta bilim berý obektileriniń basym tizbesin bekitý týraly" 2023 jylǵy 17 aqpandaǵy buıryqqa qol qoıdy, dep habarlaıdy Almaty-akshamy.kz
Jalpy tizimde 62 mektep bar. Máselen, Astanada 7425 oqýshyǵa arnalǵan 10 mektep salý josparlanǵan.
Óńirler boıynsha alsaq, Almaty oblysynda 11550 oryndyq 10 mektep, Túrkistan oblysynda 2050 oryndyq 9 mektep, Jambyl oblysynda 2850 oryndyq 6 mektep, Qyzylorda oblysynda 2175 oryndyq 5 mektep, Mańǵystaý oblysynda 4800 oryndyq 4 mektep salý kózdelip otyr.
Aqmola oblysynda 600 oryndyq eki mektep, Aqtóbe oblysynda 620 oryndyq úsh mektep, Atyraý oblysynda 1200 oryndyq eki mektep, Shyǵys Qazaqstan oblysynda 900 oryndyq eki mektep, Batys Qazaqstan oblysynda 708 oryndyq eki mektep, Qostanaı oblysynda 1080 oryndyq eki mektep, Soltústik Qazaqstan oblysynda 900 oryndyq eki mektep salý josparlanǵan.
Jetisý, Ulytaý jáne Pavlodar oblystarynda sáıkesinshe 1200, 200 jáne 312 oryndyq bir mektepten salynady.
Mektep qurylysyna 96 mıllıard 495 mıllıon teńge bólý josparlanǵan. Bul qarajat jańa mektepterdi salýǵa jáne burynnan bar mektepterdi keńeıtýge jumsalady.
Naýryz aıynyń basynda QR Oqý-aǵartý mınıstri Ǵanı Beısembaev 2023 jyly jemqorlardan tárkilengen jáne bilim berý ınfraqurylymyn qoldaý qoryna túsken aqshaǵa 70-ten astam mektep salynatynyn málimdedi.