Edýard Eshenko Almatyda ótip jatqan stend atýdan álem kýbogynyń kúmis júldegerleri atandy.
Qazaqstan surmergenderi Ásem Orynbaı men Edýard Eshenko Almatyda ótip jatqan stend atýdan álem kýbogynyń kúmis júldegerleri atandy, dep habarlaıdy Almaty-akshamy.kz Zakon.kz-ke silteme jasap.
24 mamyrda aralas juptar arasyndaǵy "skıt" bóliminiń fınalynda bizdiń sportshylar tek Italıanyń ekinshi komandasyna jol berip, ekinshi boldy. Álem kýbogynyń ıegeri bolyp Olımpıada oıyndarynyń chempıony ári kúmis júldegeri bolyp tabylatyn Tammaro Kasandro men Chıara Kaınero atandy.
Qola medal Italıanyń birinshi komandasyna buıyrdy. Ásem Orynbaı men Edýard Eshenko jubynyń bul júldesi halyqaralyq jarystardaǵy alǵashqy marapattary emes, olar buryn Horvatıada ótken álem birinshiliginde "mıkste" qola medal ıelengen bolatyn.
Al Ásem Orynbaı úshin bul medal - Almatyda ótken álem kýbogynyń ekinshi júldesi. Bir kún buryn ol fınalda Úndistan ókili Ganemat Sehonnan ozyp,"skıt" jattyǵýynda altyn medal enshilegen bolatyn.
Stend atýdan álem kýbogynyń almatylyq kezeńi 29 mamyrda aıaqtalady.