Bastapqy jarnasyz baspana alý tetikterin engizý mańyzdy.
Májilis depýtaty Gaýhar Tanasheva tabysy az otbasylardy baspanamen qamtamasyz etýge qatysty usynys aıtty, dep habarlaıdy Almaty-akshamy.kz
«Elde áleýmettik muqtaj otbasylardy baspanamen qamtamasyz etý jónindegi baǵdarlamalardyń bar ekeni belgili. Alaıda, olardy iske asyrý kóptegen sebep boıynsha qıyn ótedi. Iaǵnı kezekte uzaq turý, onyń jyldar boıy jyljymaýy, qarjylandyrýdyń shektelýine, salynyp jatqan turǵyn úıdiń jetispeýine qatysty máseleler bar», - dedi G.Tanasheva Úkimet basshysy Álıhan Smaıylovtyń atyna joldaǵan saýalynda.
Onyń aıtýynsha, «Baqytty otbasy» baǵdarlamasy boıynsha 2019 jyldan 2022 jyl aralyǵynda 14 938 nesıe, «Shańyraq» baǵdarlamasy aıasynda 2020 jyldan 2022 jyl aralyǵynda 19 394 nesıe berilgen. Elimizde halyq sanynyń qarqyndy ósýi jaǵdaıynda nesıe bólýdiń bul kórsetkishteri óte tómen.
«2023 jylǵa «Baqytty otbasy» baǵdarlamasyna 3176 ótinishke, «Shańyraq» baǵdarlamasyna 3610 ótinishke 71,9 mlrd teńge bólindi. Bul baspana kezeginde turǵan 415 700 adamnyń bıyl tek 6 786 ótinishi maquldanady degen sóz. Bul tek 1,6 paıyzyn ǵana qurap otyr. Halyqtyń áleýmettik osal sanattaryn tıisti baspanamen qamtamasyz etý úshin qoldanystaǵy ıpotekalyq baǵdarlamalardy qaıta qaraý qajet», - dedi depýtat.
Onyń sózine qaraǵanda, «Baqytty otbasy» jáne «Shańyraq» baǵdarlamalary boıynsha bastapqy jarnany mindetti sharttardan alyp tastaý kerek nemese úsh sanatqa (kópbalaly, tolyq emes otbasylarǵa, múmkindigi shekteýli balalardy tárbıelep otyrǵan otbasylarǵa) turǵyn úı sertıfıkatyn berýdi qamtamasyz etý qajet. Bastapqy jarnany tólemeı, baspana alýdyń balamaly tetikterin engizýdi qarastyrý mańyzdy.
«Baqytty otbasy» baǵdarlamasyna tolyq emes otbasylardy qosý kerek. Ipotekalyq nesıe berý sharttaryn qaıta qarap, atalǵan sanattaǵy otbasylar úshin tıisti jaǵdaı jasaý mańyzdy», - dedi G. Tanasheva.