Tizilimdi agenttiktiń ózi júrgizedi.
Sybaılas jemqorlyqqa qarsy is-qımyl agenttiginiń resmı ókili Danıar Bekaıdarovtyń aıtýynsha, jemqorlardy Qazaqstannan shyǵarmaý tetigi qarastyrylyp jatyr, dep habarlaıdy aqshamnews.kz
«Tıisti usynystar bizde bar. Qazir basqa memlekettik organdarmen birlesip, osy máseleni talqylap jatyrmyz», – deıdi ol.
Parlamentte sybaılas jemqorlyqqa qarsy is-qımyl máseleleri boıynsha zańǵa engiziletin ózgerister men tolyqtyrýlar buǵan deıin talqylanǵan edi.
Antıkor tóraǵasynyń orynbasary Ulan Sarqulovtyń aıtýynsha, zań jobasy boıynsha eń aldymen, sybaılas jemqorlardyń jarıa tizilimin engizý kózdelgen.
«Bul – profılaktıkalyq qural. Onyń basty maqsaty – qoǵamdyq min taǵýmen, qoǵamda sybaılas jemqorlyqqa tózbeýshilikti qalyptastyrý. Tizilimde aýyr nemese asa aýyr sybaılas jemqorlyq qylmystar jasaǵany úshin sottalǵandar týraly málimetter qamtylady. Sottyń zańdy kúshine engen aıyptaý úkimi tizilimige engizýge negiz bolyp tanylady», – deıdi ol.
Tiziliminen aqtaý úkiminiń zańdy kúshine enýi jáne sottylyqtyń ótelýi negizinde shyǵarý múmkin bolady. Tizilim agenttiktiń saıtynda ornalastyrylady.