Keıin bul aqsha óńirlerge taratylady.
Premer-Mınıstrdiń orynbasary - Qarjy mınıstri Erulan Jamaýbaev jemqorlardan tárkilengen somany jarıalady, dep habarlaıdy Almaty-akshamy.kz
Búginde qazynashylyq organdarda arnaıy esepshot ashylǵan. Soǵan jemqorlardan tárkilengen aqsha aýdarylyp otyrady.
"Qazirgi kezde ol esepshotta, shamamen, 120 mıllıard teńge jınaldy. Biz Oqý-aǵartý mınıstrliginen ótinimderdi kútip otyrmyz. Aldymen úsh aýysymmen oqıtyn mektepter jóndeledi. Aǵymdaǵy jóndeý jumystary bar, mektepti keńeıtý úshin qosymsha qurylys salynady. Esepshottaǵy aqsha eń birinshi soǵan jumsalady", - dedi Jamaýbaev Senatta ótken brıfıńte.
Mınıstrdiń aıtýynsha, barlyq ótinim respýblıkalyq búdjet komısıasynyń qaraýyna shyǵarylady.
Aıta keteri, Qasym-Jomart Toqaev jemqorlardan tárkilengen qarajatqa mektep salýdy tapsyrdy.