Búgin elimizdiń keıbir óńirlerinde aýa raıy qubylmaly bolady. Jańbyr jaýyp, naızaǵaı oınaıdy dep kútilýde. Ásirese, elimizdiń soltústik jáne shyǵys aımaqtarynda qatty jaýyn-shashyn bolýy múmkin dep boljanyp otyr. Al ońtústik aımaqtarda kún ashyq jáne jylylyq álide saqtalady. Sınoptıkterdiń málimetine súıensek, keı jerlerde jeldiń jyldamdyǵy kúsheıip, tuman túsýi múmkin, dep habarlaıdy aqshamnews.kz.
Almaty oblysynyń batysynda, soltústiginde joǵary órt qaýipi saqtalady. Jetisý oblysynda soltústik-shyǵystan jel soǵady, oblystyń Alakól kólderi aýdanynda ekpini 15-20 m/s jel kútilýde. Jambyl oblysynyń taýly aýdandarynda kúndiz naızaǵaı oınap, burshaq, daýyl kútiledi. Aqmola, Soltústik Qazaqstan, Qostanaı, Abaı, Shyǵys Qazaqstan oblystarynda tuman túsýi yqtımal. Túrkistan, Qyzyloda oblystarynda daýyl soǵýy múmkin dep boljanyp otyr. Al elimizdiń batysynda joǵary órt qaýipi saqtalady.