«Samuryq-Qazynanyń» enshiles kompanıalary 15 mlrd teńgeni qalaı joq qyldy?!
Búginde memleket ishindegi memleketke aınalǵan «Samuryq-Qazyna» qorynyń bas suqpaǵan salasy qalmady. «Fond-búro rassledovanıa korrýpsıı» Telegaram arnasy 2020 jyly qorǵa qaraıtyn «Samuryq-Energo» AQ-ǵa qarasty «Ereymentau Wind Power» JSHS quny 26,1 mlrd teńgeni quraıtyn 50 MVt-tyq jel elektr stansalaryn salý úshin tender ótkizip, nátıjesinde jeńimpaz dep tanylǵan «Olımp Trans Servıs» seriktestigi aqshanyń jartysynan kóbin qaltaǵa basyp alyp, mindettmesin oryndamaǵanyn jazdy, dep habarlaıdy almaty-akshamy.kz dalanews.kz silteme jasap.
Arnanyń habarlaýynsha, bul bylyqty Astana qalasynyń ishki aýdıt departamenti anyqtap, seriktestik memlekettiń 15 mlrd teńgesin talan-tarajǵa salyp, ýáde etken jel elektr stansasyn salmaǵanyn jarıa etken.
Kelisim-shartqa saı Aqmola oblysynyń aýmaǵynda salynýy tıis jel elektr stansasy 2021 jyldyń 4 maýsymynda, ıaǵnı, 17 aıdyń ishinde qoldanysqa berilýi kerek edi. Biraq jel elektr stansasynyń qara-qurasy da joq.
2020 jyly merdigerge 10,5 mlrd teńgeni quraıtyn avanstyq tólemdi «Ereymentau Wind Power» JSHS-y tolyq kólemde tólegen.
Arada birshama ýaqyt ótkennen keıin atalǵan kompanıa jelden qýat kózin óndiretin 11 qondyrǵyna elge jetkizý úshin kelisim-shartta kórsetilgen avanstyq tólemniń az ekenin aıtyp, onyń mólsherin kóbeıtýdi talap etken.
Budan keıin tapsyrys berýshi merdigerdiń kelisim-shartqa qaıshy keletin talabyna nazar aýdarmastan, taǵy da 5,5 mlrd teńge aýdarǵan. Merdiger qosymsha qarjy alsa da kelisim-shartta kórsetilgen óziniń mindettemesin múlde oryndamaǵan.
Búginde «Samuryq-Energoǵa» qaraıtyn «Ereymentau Wind Power» komanıasy merdigerdiń aıtqanyna kónip, kelisim-shartta kórsetilgen avanstyq tólem máselesi ózderi saqtamaǵan soń, jobany saqtandyrýshy kompanıa olarǵa saqtandyrý tólemin tóleýden bas tartqan.
Telgaram arna memleket qarajytyn qaıtarýǵa qatysty eshqandaı jumystar júrip jatpaǵany málim alǵa tartty.
Al «Samuryq-Qazyna» ál-aýqat qory óziniń enshiles kompanıasyna anyqtalǵan zańbuzýshylaqtardy joıyp, bul iske qatysy bar tulǵalardy anyqtaýdy tapsyrǵan. Bolǵan-bitkeni osy.
Osylaısha «Samuryq-Energonyń» jasyl energetıkany damytýǵa qatysty bir jobasy sátsizdikke ushyrap, birde-bir jel elektr stansasy salynbady. Al bul jaǵdaıdan keıin «Samuryq-Qazynanyń» elimizde Atom elektr stansasyn salaýǵa qatysty bastamasyna halyq qalaı qoldaıdy. AES salýǵa bólingen memleket qarjysy ustaǵannyń qolynda, tistegenniń aýyzynda ketpeıdi degenge kim senedi?
Osydaı áreketter el azamattarynyń bılikke degen senimin joǵaltatyny anyq. Al onyń oılap, bas qatyrǵan «Samuryq-Qazyna» qoryn baıqamadyq. Halyq aldyndaǵy senim, repýtatsıa nuqsan kelse, ony qaıtadan jóndep alatyn kólik emes ekenin qor basshy Nurlan Jaqypov nege túsinbeıdi?!
Osy bir oqıǵadan «Samuryq-Qazynanyń» ıeginiń astynda ne bolyp jatqanyn kórmeıtin, sezbeıtin ebedeısiz qurylymǵa aınalǵanyn baıqaýǵa bolady.
Qorda enshiles kompanıalarynyń nendeı máselemen aınalysyp jatqanyn qadaǵalaıtyn júzdegen menedjer bar. Solar «Ereymentau Wind Power» JSHS-nyń kelisim-sharttaǵy aldyn ala tólem máselesin buzýyna qalaısha jol berdi degen saýal týyndaıdy.
Muny «Samuryq-Qazyna» muny baıqamaı qalypty deıik, al elimizde salynyp jatqan energetıkalyq nysandardyń basty qadaǵalaýshysy retinde belgilengen «Samuryq-Enero» AQ aspanǵa qarap, juldyz sanaǵan ba? Suraq kóp jaýap joq.
Memlekettiń qarjysyn jelge shashatyn mundaı tizbektelgen kompanıalardyń bizge qajeti qansha? Osy jaıttan keıin «Samuryq-Qazynany» tarqatyp, onyń quziretin mınıstrlikterge bólip berý kerek baıqaısyń.