QR İshki ister mınıstriniń 19 tamyzdaǵy buıryǵymen kúzet qyzmetin júzege asyrý úshin biliktilik talaptaryna jáne olarǵa sáıkestikti rastaıtyn qujattar tizbesine ózgerister engizildi.
Atap aıtqanda, jańa talaptar tómendegideı:
Kúzet qyzmetterin kórsetý salasynda keminde bir jyl jumys tájirıbesiniń, sondaı-aq kúzet qyzmetin júzege asyrýǵa lısenzıasynyń bolýy;
Menshik ne jalǵa alý quqyǵynda ortalyqtandyrylǵan kúzet pýnktin ornalastyrýǵa arnalǵan ofıstik úı-jaı bolýǵa tıis;
Ortalyqtandyrylǵan baqylaý púlti bolýy tıis.
Buryn kúzet uıymynan radıobaılanystyń bolýy, obektilerden dabyl sıgnaldaryna shyǵýdy qamtamasyz etetin keminde eki utqyr top (jedel den qoıý toby), qyzmettik, onyń ishinde atys qarýynyń bolýy talap etiletin.
Buıryq 2021 jylǵy 27 qazannan bastap qoldanysqa engiziledi.