Qyrǵyz eliniń Osh qalasynda Túrki keńesine múshe elder jastarynyń úshinshi forýmy ótti
Qazaqstan, Túrkıa, Ózbekstan, Ázerbaıjan men Qyrǵyzstan delegasıalary túrkitildes halyqtardyń rýhanı murasyn saqtaýdyń mańyzdylyǵyn talqylady, dep habarlaıdy Almaty-akshamy.kz Qazaqtv.com saıtyna silteme jasap.
Basqosýǵa qatysýshylar Qazaqstan Prezıdenti Qasym-Jomart Toqaevtyń jastar áleýetin damytýǵa jaǵdaı jasaý jónindegi bastamasyna erekshe qyzyǵýshylyq tanytty. Sonymen qatar Qazaqstan men Qyrǵyzstan halqy Assambleıasy jastar qurylymdarynyń kóshbasshylary jeke kezdesý ótkizdi.
Qyrǵyz tarapyn elimizdiń joǵary bilim beretin oqý oryndary men onda qalaı oqýǵa bolatyny asa qyzyqtyrdy. Sondaı-aq bilim berý jármeńkesin ótkizý usynyldy. Qos eldiń jastar uıymdarynyń basshylary jıi kezdesýge kelisti.
«Qazirgi tusta qoǵamymyzdyń básekelestik qabileti azamattardyń saýattylyǵyna baılanysty bolyp tur. Búginde orta men joǵary bilim berýdiń sapasyn arttyrý kerek. Bul týraly Prezıdentimiz aıtty. Joǵary bilim berý salasynda básekeles orta qurýǵa septigin tıgizetin zań júıesin qurý men tıisti sheshimder qabyldaý boıynsha Úkimet pen Parlamentke naqty tapsyrmalar berildi», - dedi respýblıkalyq «Jarasym» jastar uıymynyń tóraǵasy Tımýr Jumyrbaev.