22 jasar áıel kásipkerlerdi 30 mıllıon teńgege aldap ketken.
Almaty polıseıleri qaladaǵy kásipkerlerdi aldady degen kúdikpen jas áıeldi ustady, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy málimetter boıynsha, Almaty qalasy Almaly aýdanynyń polıseıleri ózin uıaly telefondardyń satýshysy retinde kórsetken 22 jastaǵy A.esimdi azamatsha kóterme jetkizýshilerden mobıldi qurylǵylardy alyp, ustatpaı ketken. Nátıjesinde telefon da joq, aqsha da joq, kásipkerler jer sıpap qalǵan.
«4 jeke kásipker polısıaǵa resmı túrde aryzben júgindi, olar keltirilgen materıaldyq shyǵyndy 30 mıllıon teńgege baǵalady. Kúdikti ustaldy jáne QR QK-niń 190-baby boıynsha qylmystyq jaýapkershilikke tartyldy. Onyń jeke basynyń basqa da osyǵan uqsas epızodtarǵa qatystylyǵy tekserilýde. Osyǵan baılanysty basqa da jábirlenýshiler bolsa, tergeýshilerge myna telefon nómirleri arqyly habarlasa alady: 8-708-707-92-02 jáne 8-705-555-77-63», – dedi Almaly aýdandyq polısıa basqarmasynyń bastyǵy Esen Ysqaqov.
