Almatyda ótken Qazaqstan Jazýshylar odaǵynyń 90 jyldyq mereıtoıyna alys-jaqyn shetelden kelgen ádebıet qaıratkerleri qatysyp, óz quttyqtaýlaryn jetkizdi, dep habarlaıdy aqshamnews.kz.
TÚRKSOI túrkitildes mádenıeti uıymynyń bas hatshysy Sultan Raev:
«Jazýshylar odaǵynyń 90 jyldyq mereıtoıy – tek qazaq ádebıetiniń ǵana emes, búkil túrki áleminiń ortaq jetistigi. Ádebıet – halyqtar arasyndaǵy rýhanı kópir, al Qazaqstan Jazýshylar odaǵy sol kópirdi myqtap ustap, túrki halyqtarynyń birligin nyǵaıtyp keledi», - dedi.Qyrǵyz Jazýshylar odaǵynyń tóraǵasy Qanybek Imanalıev:
«Qazaq jazba ádebıeti Abaıdan bastaý alyp, Muhtar Áýezovtiń «Abaı joly» syndy máńgilik muralarymen álem ádebıetiniń qazynasyn baıytty. Qazaq ádebıeti – túrki áleminiń rýhanı maqtanyshy», - ekenin aıtty.Tatarstan Jazýshylar odaǵynyń tóraǵasy Rkaıl Zaıdýllın:
«Qazaq pen tatar ádebıetiniń baılanysy ejelden tyǵyz. Bizdi ortaq tarıhymyz ǵana emes, baýyrlas ádebıetimizdiń birligi de baılanystyrady. Ádebıetimizdiń bul baılanysy bolashaqta da saqtalyp, nyǵaıa beretinine senemiz», - dedi.
Bul mereıtoı qazaq ádebıetiniń tek ulttyq deńgeıde ǵana emes, halyqaralyq arenada da joǵary baǵalanǵanyn taǵy bir márte dáleldedi.