Qazaqstan Jazýshylar odaǵynyń 90 jyldyǵyna arnalǵan saltanatty jıynda ádebıet pen qoǵamǵa erekshe úles qosqan qalamgerler men rýhanıat janashyrlary marapattaldy, dep habarlaıdy aqshamnews.kz
Halyqaralyq «Alash» ádebı syılyǵy:
Bul bedeldi syılyqpen TÚRKSOI halyqaralyq uıymynyń bas hatshysy Sultan Raev, Ázirbaıjan Jazýshylar odaǵynyń tóraǵasy Anar Rzaev, Túrkıa Jazýshylar odaǵynyń tóraǵasy Mýsa Kazym Aryjan, Qyrǵyzstannyń El jazýshysy Arslan Qoıshıev, Ózbekstannyń Halyq jazýshysy Ýsmankýl Azımov marapattaldy.
«Qazaqstannyń Qurmetti jazýshysy» ataǵy:
Ádebıetke qosqan úlesteri úshin bul ataq Eýrazıa Jazýshylar odaǵynyń prezıdenti Ýfýk Týzman, Ázerbaıjan aqyny Rashad Majıtov, shved jazýshysy Paýel Frııes, Qyrǵyz Jazýshylar odaǵynyń tóraǵasy Qanybek Imanalıev, tatar aqyny Rkaıl Zaıdýllın jáne taǵy basqa kórnekti tulǵalarǵa berildi.
«Asyl sóz» ádebı syılyǵy:
Poezıa nomınasıasynda bul mártebeli syılyq aqyn Baıbota Qoshym-Noǵaıǵa, al proza nomınasıasynda jazýshy Tursynjan Shapaıǵa tabystaldy.
«Atymtaı Jomart» medali:
Ádebıet pen rýhanıatty qoldap, demeýshilik kórsetken kásipkerler «Atymtaı Jomart» medalimen marapattaldy.
Bul marapattar rýhanıat pen ádebıettiń damýyna úles qosqan tulǵalardy elep-eskerýdiń, olardyń eńbegin qurmetteýdiń aıqyn dáleli boldy.