Qytaıdyń Chendý qalasynda ótip jatqan HHHİ Jazǵy ýnıversıada ótýde.
Taekvondodan komandalyq esepte el quramasy qorjynyna qola medal tústi, dep habarlaıdy Almaty-akshamy.kz QazAqparatqa silteme jasap.
Abdýrahmon Marıpov, Beıbarys Qabylan, Beksýltan Musahan jáne Shamsat Dýısenov komandalyq jarysta úzdik úshtikti túıindedi.
Qazaqstandyq taekvondoshylar jartylaı fınalda Iran quramasynan jeńilip qaldy. Saldarynan «qola» medaldi qanaǵat tutty. Taǵy bir «qola» qytaılyq sportshylarǵa buıyrdy.
Ońtústik Koreıa sportshylary chempıon atansa, ırandyqtar ekinshi orynǵa jaıǵasty.
Qazirge deıin el quramasy qorjynynda 14 medal bar. Onyń 1-i altyn, 5-i kúmis, 8-i qola.
Jazǵy ýnıversıada 8 tamyzda máresine jetedi.