Ulttyq testileý ortalyǵy bilim berý granttary ıegerleriniń tizimin jarıalady
QR Ǵylym jáne joǵary bilim mınıstrliginiń resmı saıtynda jáne áleýmettik jelilerinde 2023-2024 oqý jylyna arnalǵan bilim granty ıegerleriniń tizimi jarıalandy, dep habarlaıdy Almaty-akshamy.kz.
Granttardy taǵaıyndaý konkýrsyna qatysý úshin 94 myń talapker qujat tapsyrdy. Bul ótken jylmen salystyrǵanda 14 myńǵa artyq.
Memlekettik granttar respýblıkalyq komısıa otyrysynyń qorytyndysy boıynsha taǵaıyndaldy. Komısıa quramynda QR Parlamentiniń depýtattary, múddeli memlekettik organdardyń, bilim salasy kásipodaqtarynyń, QR Ulttyq kásipkerler palatasynyń, QR Joǵary oqý oryndarynyń asosıasıasynyń jáne qoǵamdyq uıymdardyń ókilderi boldy.
Atap ótsek, bıyl Memleket basshysy Qasym-Jomart Toqaevtyń tapsyrmasyna sáıkes halyq tyǵyz qonystanǵan batys jáne jańadan qurylǵan óńirlerdiń jastary úshin granttar bólindi. Pedagogıkalyq, ınjenerlik, IT mamandyqtarǵa jáne jaratylystaný ǵylymdary boıynsha Atyraý oblysyna – 1500, Mańǵystaý oblysyna – 1500, Ulytaý oblysyna – 300, Jetisý oblysyna – 300, Abaı oblysyna – 500, Shymkent qalasyna – 400, Túrkistan oblysyna – 500 grant berildi.
Grant ıegerleriniń tizimimen myna silteme arqyly tanysýǵa bolady.