QR Bilim jáne ǵylym mınıstri Asqat Aımaǵambetovtyń tapsyrmasy boıynsha 26 mamyr men 19 maýsym aralyǵynda búkil el boıynsha úlgerimi nashar oqýshylarǵa bilim olqylyqtaryn toltyrýǵa kómektesetin «Jazǵy mektepter» jumys istedi.
Máselen, «Órleý» BAUO» AQ fılıaly Almaty qalasy boıynsha PQ BAI ZOOM platformasynda «Jazǵy mektepte bolǵan kezeńde oqýshylardy psıhologıalyq-pedagogıkalyq súıemeldeý» taqyrybynda qalalyq onlaın-semınar ótkizdi.
Semınardyń maqsaty – oqýshylar men muǵalimderdi psıhologıalyq-pedagogıkalyq súıemeldeý, bilimdegi olqylyqtardyń ornyn toltyrý, al olardyń ata-analary-balalardyń jazǵy demalysyn qamtamasyz etýi, qazirgi kezeńde oqý prosesinde ınklúzıvti bilim berý júıesiniń qalyptasý tájirıbesin qarastyrý. Semınarǵa pedagog-psıhologtar, jalpy bilim beretin mektep muǵalimderi, túzetý pedagogtary, oqý isiniń meńgerýshileri, jalpy bilim beretin mektep dırektorlary, balabaqsha ádiskerleri, tárbıeshiler qatysty.
Semınardyń moderatory – Almaty qalasy boıynsha PQ BAI kafedrasynyń aǵa oqytýshysy Sara Mýsına jáne spıkerler – psıhologıalyq jáne áleýmettik ǵylymdar magıstri, joǵary sanatty psıholog, zertteýshi, Qazaqstan psıhologtar qaýymdastyǵynyń treneri, jyl psıhology Svetlana Novıchkova, joǵary sanatty muǵalim, horeograf Anara Lı tájirıbelerimen bólisti. Olar áriptesterin «Jazǵy mekteptegi» pedagog-psıhologtardyń jumys josparymen tanystyrdy. Qyzmettiń profılaktıkalyq baǵyty aıasynda pedagog-psıholog art-terapıa, mýzykalyq terapıa elementteri bar túrli oıyn is-sharalaryn, nazardy damytýǵa arnalǵan sabaqtardy, psıhologıalyq densaýlyqty saqtaý maqsatynda psıhoemosıonaldy stresti jeńildetýge jáne emosıonaldy sarqylýdyń aldyn alýǵa baǵyttalǵan trenıńterdi ótkizedi.