Tamyzda ortasha aýa temperatýrasy normadan 1-2°S-ge joǵarylaıdy.
Qazgıdromet málimetinshe, tek respýblıkanyń soltústik-batysynda qalypty kún raıy saqtalady, dep habarlaıdy Almaty-akshamy.kz.
Bul aıda el boıynsha ortasha temperatýra +20+28°S bolsa, soltústik-shyǵysta +16+19°S, ońtústik-shyǵys pen shyǵystaǵy taýly aımaqtarda +11+15°S-ge jetedi. Bul oraıda Batys Qazaqstan, Atyraý, Qostanaı, Soltústik Qazaqstan, Aqmola, Aqtóbe, Qaraǵandy oblystarynda temperatýra norma shamasynda bolady.
Tamyzda jaýyn-shashyn mólsheri respýblıkanyń basym bóliginde qalypty kólemnen de az túsedi dep boljandy. Degenmen Soltústik Qazaqstan, Pavlodar, Abaı, Shyǵys Qazaqstan, Almaty, Jetisý, Qostanaı, Aqmola oblystarynyń soltústiginde, Qaraǵandynyń shyǵysynda, Jambyl oblysynyń ońtústik-shyǵysynda jáne Túrkistan oblysynyń taýly aýdandarynda jaýatyn jańbyr normasy saqtalady.