ÝEFA-nyń qoldaýymen elimizde birqatar fýtbol stadıondary jańartylady
Memleket basshysynyń buqaralyq sportty damytýǵa baǵyttalǵan tapsyrmasyn oryndaý maqsatynda Qazaqstan fýtbol federasıasy fýtbol alańdaryn qaıta jańartý baǵdarlamasyn engizip otyr, dep habarlaıdy Almaty-akshamy.kz QazAqparatqa silteme jasap.
«Úsh jylǵa arnalǵan baǵdarlama ÝEFA-nyń qoldaýymen júzege asyrylady. Sondaı-aq joba aıasynda jeke ınvestısıalardy tartý josparlanyp otyr.
Jobanyń basty maqsaty – fýtbol ınfraqurylymyn damytyp, buqaralyq fýtboldy damytýǵa jaǵdaı jasaý», - delingen federasıanyń Telegram-arnasynda.
Bıyl baǵdarlama aıasynda Aqtaý, Almaty, Shymkent, Aqtóbe qalalary jáne Jetisý oblysyndaǵy stadıondardyń alańdary jańartylmaq.
2023 jyly renovasıa baǵdarlamasyna kiretin fýtbol alańdary:
1. SSKA stadıony, Almaty qalasy
2. B.Ońǵarov atyndaǵy stadıon, Jetisý oblysy, Balpyq bı aýyly
3. «Sementnık», Shymkent qalasy
4. №2 BJSM, Aqtóbe qalasy
5. «Kaspıı» SK, Aqtaý qalasy