Almaty qalasynyń QAJ departamentine qarasty №11 mekemesinde jazasyn ótep jatqan jasóspirimder úshin 30 tamyz – Qazaqstan Respýblıkasynyń Konstıtýsıasy kúnine oraı «Ata zań – elimniń qorǵany» atty mádenı is-shara ótti.
Oǵan Jambyl atyndaǵy qalalyq jasóspirmder kitaphanasynyń kópshilik is-sharalardy uıymdastyrý bóliminiń basshysy Roza Sultanǵazyqyzy jáne oqyrmandar zaly bóliminiń qyzmetkerleri Farıza Qadyrǵalı men Aıtolqyn Raqym muryndyq boldy.
Mádenı is-sharanyń maqsaty – jazaly jasóspirimderge Ata zań jóninde málimet berý, olardyń zań aldyndaǵy jaýapkershiligin arttyrý, olardyń bas bostandyǵynan aıyrylsa da ózderiniń qoǵamǵa kerek azamat ekenin sezinýge, túzelýine kómektesý.
Kitaphana qyzmetkeri Farıza Qadyrǵalı Konstıtýsıa týraly baıandamasyn oqyp, tarıhtan bastap qazirgi kúnge deıingi qoldanystaǵy zańdarǵa tolyq túsinikteme berdi.
Jazaly jasópirimder Konstıtýsıa kúni qurmetine eki tilde óleń oqydy.
Al Aıtolqyn Raqym jasóspirimdermen elder men jerler týraly qyzyqty málimetter negizinde Quiz ıntellektýaldy oıynyn ótkizdi. Jambyl atyndaǵy jasóspirimder kitaphanasynyń qyzmetkerleri daıyndaǵan jańa kitaptar kórmesi de bozbalalarǵa unady.
№11 mekemeniń Sottalǵandar arasyndaǵy áleýmettik-psıhologıalyq tárbıe jumysy bólimi bastyǵy ádilet podpolkovnıgi Alma Qoıshybaıqyzy kitaphana qyzmetkerlerine osynaý tárbıelik máni úlken is-shara úshin alǵysyn bildirdi.