Bul týraly megapolıs ákimi Almaly aýdanynyń turǵyndarymen kezdesýde aıtty.
Turǵynnyń suraǵy:
Meniń balam sporttaǵy daryndy balalarǵa arnalǵan mamandandyrylǵan mektep-ınternatta oqıdy. Bul nysan jóndeýdi qajet etedi, osy máselege nazar aýdarýdy suraımyz
Almaty ákimi Erbolat Dosaevtyń jaýaby:
Almatyda balalar sportyna jaǵdaı jasaýǵa erekshe kóńil bólinedi. Biz qazir sport mektepteriniń ınfraqurylymyn jańartý boıynsha jumysty josparly túrde bastadyq jáne jobalar daıyn bolǵan kezde olardy iske asyratyn bolamyz. Kelesi úsh jyl ishinde biz muny belsendi túrde jasaımyz. Ótken jyldan bastap biz osy salany qarjylandyrýdy ulǵaıttyq, jas sportshylardyń jarystarǵa qatysýǵa arnalǵan shyǵyndardy qostyq. Chempıondar birden týmaıdy, bári mektepten bastalady, sondyqtan bul másele bizdiń basymdyǵymyz bolyp tabylady.
Qurylys basqarmasynyń basshysy Almas Shabdarbaevtyń túsiniktemesi:
Almaly aýdanyndaǵy mamandandyrylǵan mektepke qatysty jobamen aınalysyp jatyrmyz. Kelesi jyldyń mamyr aıynda memlekettik saraptama shyǵady dep josparlap otyrmyz, al maýsym aıynda qoldanystaǵy ǵımaratty buzyp, jańa ǵımarattyń qurylysyn bastaımyz.