Otan qorǵaýshylar kúni qarsańynda Qazaqstan Respýblıkasy Ulttyq ulanynyń «Ońtústik» óńirlik qolbasshylyǵyna qarasty 3650 áskerı bólimi jaýyngerlik qyzmetin úzdik atqarǵan sarbazdardy marapattady.
Áskerı bólimniń atqyshtar rotasynyń mindeti – «Ulttyq ulany týraly» zańyna sáıkes mańyzdy memlekettik obektilerdi kúndelikti kúzetý jáne qorǵaý. Sondaı-aq, bul áskerı bólimde atqyshtar rotasynyń merzimdi áskerı qyzmetshileri Otan aldyndaǵy boryshyn óteýde. Atqyshtar rotasynda aı saıyn merzimdi áskerı qyzmetshiler men mindetin úzdik oryndaǵan sarbazdardy marataptaý dástúrge aınalǵan.
7 mamyr – Otan qorǵaýshylar kúnine oraı atqyshtar rotasynyń 1-vzvody 1-bólimshesiniń aǵa sarbazy (aǵa atqyshy) qatardaǵy Talap Ońalbaev jáne atqyshtar rotasynyń 2-vzvody 2-bólimshesiniń aǵa sarbazy (aǵa atqyshy) qatardaǵy Nurbek Ásemov jaýyngerlik qyzmetti jáne berilgen tapsyrmany úzdik oryndaǵany úshin baǵaly syılyqpen marapattaldy.
İs-shara atqyshtar rotasynyń komandıri, kapıtan Ákimjan Áshir men rota komandıriniń tárbıe jáne áleýmettik quqyqtyq jumystar jónindegi orynbasary aǵa leıtenant Madıar Dúısenbektiń uıymdastyrýymen ótti. 3650 áskerı bóliminiń Tárbıe jáne áleýmettik quqytyq jumystar jónindegi orynbasary podpolkovnık Baıram Alıev qonaq retinde shaqyrylyp, jaýyngerlik qyzmettiń úzdikteri – qatardaǵy 2 sarbazdyń ata-analaryna da Alǵys hat berdi.