«Taza Qazaqstan» respýblıkalyq ekologıalyq aksıasy men «Almaty – bizdiń ortaq úıimiz» naýqanynda Jangeldın atyndaǵy skverde Ardagerler aleıasynyń saltanatty ashylýy ótti. Ashylý saltanatyna Uly Otan soǵysy men eńbek maıdanynyń ardagerleri, zeınetkerler qatysty. Aleıa aǵa býynǵa degen rızashylyq pen qurmet sımvolyna aınaldy.
İs-shara aıasynda alańǵa 100-ge jýyq japyraqty qaraǵash kósheti otyrǵyzyldy. İs-shara qala turǵyndaryn ardagerler men olardyń erligin saqtaý jáne eske alý, sondaı-aq óskeleń urpaqtyń ekologıalyq sanasyn nyǵaıtý maqsatynda biriktirdi. Mundaı bastamalar qalany azamattyq patrıotızm men qorshaǵan orta úshin jaýapkershilik rýhymen toltyrady, dep sanaıdy qatysýshylar.
«Halyq kez-kelgen memlekettiń ál-aýqaty qarttar men balalarǵa degen kózqaraspen ólshenedi deıdi. Sondyqtan búgingi is-shara, ásirese Uly Jeńistiń 79 jyldyǵy qarsańynda óte mańyzdy dep sanaımyn. Almatyda 43 soǵys ardageri, al eńbek maıdanyna qatysýshylar da kóp emes. Bizdiń Jetisý aýdanynda bir ardager - Ilá Kýdın Grıgorevıch turady. Men onyń búgin osy merekege qosylǵanyna óte qýanyshtymyn jáne rızamyn. Sondaı-aq, qala ákimdigine alǵysymdy bildirgim keledi. Aleıanyń ashylýy urpaqtardyń birigýine jáne patrıottyq qundylyqtardyń qalyptasýyna yqpal etedi dep sanaımyn», - dedi Jetisý aýdany ardagerler keńesiniń tóraǵasy Tamara Shákirova.
Zeınetker Qulshara Sıenova da Ardagerler aleıasynyń ashylýy týraly óz emosıasymen bólisti:
«Men Otanymyzǵa qyzmet etkenderge dán rızamyn. Bizdiń qoǵamnyń olardyń erligin qurmettep, este saqtaǵanyn kórý men úshin maqtanysh. Bul aleıa árbir adam toqtap, oılanyp, mańyzdy sabaqtar men qundylyqtardy bolashaq urpaqqa jetkize alatyn orynǵa aınalady dep senemin», - dedi Qulshara Sıenova.
Búginde qalada Uly Otan soǵysynyń (UOS) 43 ardageri turady. Almaty ákimi Erbolat Dosaevtyń tapsyrmasy boıynsha UOS ardagerlerine birjolǵy áleýmettik kómekti 1 mln teńgege ulǵaıtý týraly sheshim qabyldandy. Bul sheshimdi qala máslıhaty qoldady. 2024 jyly ardagerler 2 mln teńge kóleminde birjolǵy kómek ala alady.
Sonymen qatar, Almaty dárigerleri Otan qorǵaýshylar kúni aılyǵy aıasynda UOS ardagerleri úshin Check-up ótkizedi. Osy naýqandy ótkizý úshin árbir emhana ardagerlerge barý kestesin ázirledi.
Esterińizge sala keteıik, 8 sáýir men 8 mamyr aralyǵynda Almatyda «Almaty – bizdiń ortaq úıimiz» naýqany ótip jatyr. Árbir turǵyn qalanyń damýy men abattandyrylýyna óz úlesin qosa alady.
«Almaty – bizdiń ortaq úıimiz» naýqany týraly barlyq aqparat almaty.kz saıtynda, Almaty ákimdiginiń áleýmettik jelilerinde ornalastyrylǵan. Sondaı-aq, veb-saıtqa qala boıynsha bannerlerde, plakattarda arnaıy ornalastyrylǵan QR-kod arqyly da kirýge bolady.
Áleýmettik medıa naýqanynyń belsendi qatysýshylaryna arnalǵan heshtegter:
#AlmatyNashObshııDom, #NasMnogoGorodOdın, #AlmatyBizdińOrtaqÚıimiz, #BizKóppizQalajalǵyz.