Tájikstan azamattary óz jerlesterin urlap, aqsha talap etken, – dep habarlaıdy Almaty-akshamy.kz.
32 jastaǵy M.esimdi Tájikstan azamatynyń joǵalyp ketkeni týraly polısıaǵa onyń jerlesi aryzdanǵan. Er adamnyń aıtýynsha, M.esimdi azamat 13 tamyzda dosymen kezdesýge ketip, qaıtyp oralmaǵan.
– Jedel tergeý toby quryldy. QR QK-niń 125-baby (Adamdy urlaý) boıynsha qylmystyq is tirkeldi. Eń aldymen, M.esimdi azamatty urlap ketkendigin, sodan keıin biz ony qaı jerde qamaýda ustaǵanyn bildik. Jalǵa alynǵan páter Almatynyń Medeý aýdanynda ornalasqan. Polısıa arnaıy jasaqtarynyń kómegimen arnaıy is-shara júrgizildi. 20 myń dollar kóleminde ótemaqy talap etý úshin otandasyn urlap ketken Tájikstannyń alty azamaty ustaldy. Olar ony uryp-soǵyp, búkil prosesti vıdeoǵa túsirgen, – deıdi Almaty qalalyq PD uıymdasqan qylmysqa qarsy kúres basqarmasynyń bastyǵy Janat Nurǵalıev.
Kúdiktiler ÝUI-ǵa qamaýǵa alyndy. QR QPK-niń 201-babyna sáıkes, ózge aqparattar tergeý múddesine oraı jarıalaýǵa jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyq buzýshylyq jasaýda kinásiz dep tanylady.