Almatyda Sátpaev kóshesinde ornalasqan saýda oıyn-saýyq ortalyǵynan adamdar evakýasıalandy. Ǵımaratta jarylǵysh zat ornatylǵany týraly aqparat túsken, dep habarlaıdy Almatydaǵy Almaty-akshamy.kz.
Kýágerlerdiń sózinshe, kelýshiler men qyzmetkerlerden shuǵyl túrde ǵımarattan shyǵýdy suraǵan.
Kútpegen jerden dabyl qaǵyldy. Ákimshilik bárin ǵımarattan shuǵyl túrde evakýasıalady. Bul jerge polısıa men órt sóndirýshilerdiń kólikteri keldi, – dedi saýda ortalyǵyna kelgen qala turǵyny.
Atalǵan jaǵdaıǵa Almaty qalasynyń Polısıa departamenti túsinikteme berdi.
Shuǵyl áreket etý qyzmetteri osy saýda ortalyǵynda tekserý sharalaryn júrgizip jatyr. Habarlama túsken sátten bastap adamdar evakýasıalandy. Qala turǵyndary men qonaqtaryn sabyrlyq saqtaýǵa, túsinistikpen qaraýǵa shaqyramyz, – dedi Almaty qalasynyń Polısıa departamenti.