Jyl saıyn jatyr moıny obyrynan 600-ge jýyq ólim tirkeledi.
Al jyl ótken saıyn bul qaterli aýrýdyń 1700-den astam jańa jaǵdaıy anyqtalady, dep habarlaıdy Almaty-akshamy.kz.
Búgin sút bezi obyrynan keıingi onkopatologıanyń qurylymynda jıi kezdesetin jatyr moıny obyry týraly habardar bolýdy arttyrý aptalyǵyna arnalǵan is-sharalar bastalady.
Aptalyq 16 qańtarda QR DSM bas shtattan tys onkology, "Qazaq onkologıa jáne radıologıa ǴZI" AQ Basqarma tóraǵasy, m.ǵ. d. D. R.Qaıdarovanyń qatysýymen jatyr moıny obyryna shaldyǵý jáne qyzdardy APV-ǵa qarsy vaksınasıalaý máseleleri boıynsha baspasóz konferensıasynan bastaldy.
Jatyr moıny obyry - bul APV-dan vaksına alý arqyly aldyn alýǵa bolatyn onkologıalyq aýrýlardyń jalǵyz túri bolyp tabylady. Qazaqstanda qyzdardy APV-ǵa qarsy vaksınasıalaý 2024 jyly bastalady.