Almatyda bıyl 20 shaqyrym veloınfraqurylymǵa arnalǵan jobalar ázirlenedi
Bıyl Almaty qalasynda 20 shaqyrym kóshege arnalǵan velojol jobalaryn ázirleý josparlanǵan. Qazir joba keńsesi aıasynda qala ákimi Almaty keshendi kólik syzbasy boıynsha veloınfraqurylymdy ornalastyrý syzbasyn jańartyp jatyr, dep habarlaıdy almaty-akshamy.kz
Velojolaqtyń uzyndyǵy jáne jobalardy júzege asyrý sharttary tehnıkalyq-ekonomıkalyq negizdeme men jobalaý-smetalyq qujattamany daıyndaǵannan keıin jáne Qazaqstan zańnamasy boıynsha naqty jobany saraptaýdyń oń qorytyndysyn alǵan soń naqtylanady.
Aıta keteıik, 2023 jyly Almatyda 3 shaqyrym veloınfraqurylym uıymdastyryldy: Manas kóshesiniń boıymen Sátbaev kóshesiniń batys jaǵynan Shevchenko kóshesine deıin, sol arqyly Sátbaev kóshesin qalanyń qalǵan velosıped jelisimen jáne Buqtyrma men Maılın kóshesine qosylatyn Qulja kúre joly men Buqtyrma kóshesiniń qıylysyndaǵy jolaıyryqqa deıin jalǵaıdy.
Almatyda shaǵyn mobıldi kólik (velosıped, elektrli samokat) paıdalanýshylardyń ósip kele jatqan qajettiligin qamtamasyz etý úshin velojolaq jelisin ulǵaıtý Almaty qalasynyń Bas josparynda qarastyrylǵan. Almaty ákimi Erbolat Dosaevtyń tapsyrmasymen veloınfraqurylym velosıpedpen júrýde suranysqa ıe dálizdermen jáne ortasha jóndeý, qaıta qurý nemese abattandyrý baǵdarlamalary aıasynda júzege asyrylady.
Megapolıste barlyǵy 92 shaqyrym velo ınfraqurylym jabdyqtalǵan. Velojolaqtyń uzyndyǵy 25 shaqyrym, al velojol 67 shaqyrym.