Akademıa «Quqyq qorǵaý qyzmeti»; «Kıberqaýipsizdikti qamtamasyz etý», «İİB qyzmetin krımınalısıkalyq qamtamasyz etý», «Aqparattyq júıeler» baǵyttary boıynsha mamandar daıarlaıdy.
Almatylyq jastardy bolashaq zań qorǵaýshylar qataryna qosylýǵa shaqyrady, dep habarlaıdy Almaty-akshamy.kz
ÓKQ alańynda QR İİM Almaty akademıasy basshysynyń orynbasary Erjan Bımoldanovtyń qatysýymen brıfıń ótti, ol oqýǵa túsý kezindegi negizgi talaptar týraly aıtyp berdi.
«Bizdiń oqý ornymyz birneshe baǵyttar boıynsha mamandardy daıarlaýǵa mamandanǵan: jedel-izdestirý qyzmetin júzege asyratyn, kıberqaýipsizdikti qamtamasyz etetin bólimsheler úshin, İİB qyzmetin IT-krımınalıstıkalyq qamtamasyz etý, sondaı-aq, tehnıkalyq baǵyt - aqparattyq júıeler baǵyttary boıynsha mamandar daıarlaıdy» - dedi E.Bımoldanov.
Odan ary spıker akademıada oqýdyń negizgi artyqshylyqtaryn atap ótti:
- memlekettik tapsyrys negizinde oqýǵa qabyldaý jáne oqytý. Jaıly jataqhanada turý, zamanaýı tehnıkamen jabdyqtalǵan zamanaýı aýdıtorıalarda oqý, stıpendıa alý, tamaqpen, zattaı qamtamasyz etý, medısınalyq qyzmet kórsetý, tegin sport seksıalary (trenajer jáne kúres zaldary, sondaı-aq olımpıadalyq standarttarǵa sáıkes keletin boks rıngi), turǵylyqty jerine tegin jol júrý (poıyzben) jáne keri qaıtý;
- kúndizgi oqý nysany boıynsha oqý merzimi merzimdi áskerı qyzmet ótkerýge teńestiriledi;
- tolyq oqý kýrsyn bitirgen árbir túlek 100% jumysqa ornalasady;
- oqýdy aıaqtaǵannan keıin túlekterge «Ulttyq qaýipsizdik jáne áskerı is bakalavry» jáne «aqparattyq-kommýnıkasıalyq tehnologıalar salasyndaǵy bakalavr» biliktiligi berilgen memlekettik úlgidegi dıplom beriledi, sondaı-aq «polısıa leıtenanty» arnaıy ataǵy beriledi.
Bakalavrıat baǵdarlamalary boıynsha Almaty akademıasyna oqýǵa orta bilimi bar, on alty jasqa tolǵan Qazaqstan Respýblıkasynyń azamattary qabyldanady. Ol úshin:
- aqpan-mamyr aılary aralyǵynda turǵylyqty jeri boıynsha polısıa bólimine habarlasyńyz nemese Almaty akademıasynyń https://apa.gov.kz / saıtyna kirip, tikeleı terý siltemesi boıynsha tıisti qujattardy rásimdeý qajet.
- Oqýǵa túsetin jyldyń 28 sáýirinen 14 mamyryna deıin Ulttyq biryńǵaı testileýdi (UBT) tapsyrý úshin ótinish berý. UBT 16 mamyr men 05 shilde aralyǵynda ótedi.
Budan basqa, «Quqyq qorǵaý qyzmeti», «Kıberqaýipsizdikti qamtamasyz etý», «İİB qyzmetin IT-krımınalıstıkalyq qamtamasyz etý» bilim berý baǵdarlamasy boıynsha oqýǵa túsýshiler úshin kez kelgen varıasıada (shyǵarmashylyq emtıhannan basqa) eki beıindik pándi tańdaýǵa bolady.
«Aqparattyq júıeler» bilim berý baǵdarlamalary boıynsha oqýǵa túsýshiler úshin eki beıindik pán tańdalýy tıis: «Matematıka» jáne «Fızıka».
Konkýrsqa qatysý úshin keminde 50 upaı, onyń ishinde árbir pán boıynsha keminde 3 upaı jınaý qajet.
«UBT, medısınalyq kýálandyrýdan sátti ótken adamdar medısınalyq jáne fızıkalyq kórsetkishterdiń nátıjelerin eskere otyryp, UBT upaıyna sáıkes konkýrsqa qatysý úshin İİM Almaty akademıasyna shaqyrylady. Qazaqstan Respýblıkasy Ulttyq ulanynyń qatarynda merzimdi áskerı qyzmet ótkergen, kandıdattar úshin belgilengen talaptar boıynsha shekti bal deńgeıin jınaǵan, UBT nátıjeleri boıynsha 100 jáne odan joǵary bal jınaǵan adamdar, sport sheberleri, oryndaý kezinde qaza tapqan polısıa qyzmetkerleriniń balalary konkýrstan tys qabyldanady», - dep tolyqtyrdy E.Bımoldanov.
Oqýǵa túsý týraly tolyq aqparatty İİM Almaty akademıasynyń saıtynan nemese +7-705-755-25-77 (WhatsApp), +7-775-930-55-88 (WhatsApp) telefondary arqyly bilýge bolady.