Stýdenttik jataqhana salyp, stýdentterdiń jataqhanada turýy úshin memleketten jylyna 67 mln.teńge alyńyz
Qandaı mehanızm?
Kásipker jataqhanalardy óz qarajaty esebinen salady. Memlekettik tapsyrys boıynsha tólemder qurylys aıaqtalǵannan keıin jáne stýdentterdiń naqty turýy úshin ǵana júrgiziledi.
Sharttary qandaı?
Bir stýdentke jataqhana salý kezinde 6 jyl ishinde jylyna 195 AEK tólenedi. Bir stýdentke qaıta qurý kezinde 8 jyl ishinde jylyna 47 AEK.
6 jyl ishinde kásipker jańa stýdenttik jataqhana salý úshin ala alady:
- Bir stýdent úshin 4 mln. teńge;
8 jyl ishinde kásipker ǵımaratty stýdenttik jataqhanaǵa rekonstrýksıalaǵany úshin ala alady:
- Bir stýdent úshin 1.2 mln. teńge;
Iaǵnı, 100 tósek-orynǵa arnalǵan stýdenttik jataqhana salý kezinde memleket 6 jyl ishinde kásipkerge ǵımarattyń amortızasıasy úshin 403 mln.teńge tóleıdi.
Stýdenttik jataqhanany 100 tósek-orynǵa rekonstrýksıalaý kezinde memleket 8 jyl ishinde kásipkerge ǵımarattyń amortızasıasy úshin 129 mln.teńge tóleıdi..
Bul rette, memlekettik tapsyrys boıynsha tólemder aıaqtalǵannan keıin obekt kásipkerdiń menshiginde qalady.
Tólemder 6 jyl ishinde aı saıyn 12 aı, tipti jataqhanada stýdentter bolmaǵan jazǵy demalys kezeńinde de tólenedi.
Memleketten tólenetin tólemderden basqa, kásipker stýdentterge turý úshin jaldaý aqysyn belgileýge quqyly, bul onyń kirisine esepteledi. Sondaı-aq, kásipker stýdenttik jataqhanada qosymsha tabys tabý úshin dúken, shashtaraz jáne t.b. komersıalyq úı-jaılardy ornatýǵa quqyly.
Jataqhanalardaǵy oryn tapshylyǵy máselesi barlyq óńirler úshin ózekti bolyp otyr. Statısıkaǵa sáıkes, jataqhanaǵa muqtaj stýdentter sany 63 myńnan asady.
1 oryn – Almaty q. - 26581
2 oryn- Astana q. - 13102
3 oryn - Túrkistan oblysy-6208
4 oryn- Aqmola oblysy - 3649
5 oryn- Soltústik Qazaqstan oblysy – 2791
6 oryn- Abaı oblysy-2612
7 oryn- Shymkent q. - 1485
8 oryn- Qostanaı oblysy – 1360
9 oryn- Almaty oblysy – 1212
10 oryn - Pavlodar oblysy-910
11 oryn - Batys Qazaqstan oblysy-550
12 oryn - Qaraǵandy oblysy-507
13 oryn - Shyǵys Qazaqstan oblysy-488
14 oryn - Jambyl oblysy-468
15 oryn - Qyzylorda oblysy-425
16 oryn - Aqtóbe oblysy – 360
17 oryn- Ulytaý oblysy-108
18 oryn - Atyraý oblysy-35.
Memleket tarapynan aqshalaı tólemder túrindegi qoldaý jáne joǵary qajettikti eskere otyryp, kásipkerlerge qazir qonaq úı nemese kampýsqa qaraǵanda stýdenttik jataqhana salý áldeqaıda tıimdi degen qorytyndy jasaýǵa bolady.
Baǵdarlamanyń operatory "Qarjy ortalyǵy" AQ bolyp tabylady jáne baǵdarlamaǵa qatysý úshin jerge quqyq belgileıtin, sáıkestendirý qujattarymen, zańdy tulǵanyń bolýy týraly qujattarmen aldyn-ala kelisimshart jasasýǵa ótinim berý jetkilikti.
Baǵdarlama týraly tolyq aqparatty qarjy ortalyǵynyń fincenter.kz saıtynan nemese 8-800-080-28-28 nómiri boıynsha alýǵa bolady.