Búgingi kezekten tys sıeze Nur Otan partıasynyń aty Amanat bolyp ózgerýi – partıanyń túbegeıli rebrendıngi dep túsinemiz. Iaǵnı, uıymnyń tek aty aýysyp qana qoımaı, ishki qurylymynda da birqatar ózgerister oryn alýy kerek.
Qazaqta «amanatqa qıanat jasama» degen sóz bar. Osy naqylǵa súıene otyryp, Amanat partıasy halyqtyń nıet-tilekterin eskerip, óz mindetin múltiksiz atqarady dep senemiz. Sonymen qatar partıa jınalysynda Prezıdentimiz Qasym-Jomart Toqaev búrokratıanyń kózin joıý kerektigin naqty belgiledi.
Bul másele biraz jyldan beri talqylanyp, sheshimin tappaı keledi. Sondyqtan osy másele aldaǵy ýaqytta tolyq sheshilip, Amanat partıasy zamanaýı sıfrlanǵan júıemen jumys isteıdi dep oılaımyn.
El Prezıdenti basshylardyń máseleni óz kabınetterinde emes, halyq ortasynda, elmen júrip sheshý kerektigin aıtty. Halyqpen tikeleı baılanys ornatyp, ashyq jumys isteýdiń mańyzyn eskertti.
Jınalysta antıreseılik sanksıalardyń Qazaqstanǵa áseri de talqylanyp ótti. Qasym-Jomart Toqaev bul máselede Úkimetke naqty sharalar qabyldap, ekonomıkalyq turaqtylyqty saqtaý úshin jospar qurýdy tapsyrdy. Osy jospardyń naqty satylaryn Memleket basshysy 16 naýryzda jarıalaıtyn óz Joldaýynda anyqtap aıtady dep kútemiz.