Nur Otan partıasynyń kezekten tys shaqyrylǵan XXII seziniń qorytyndysy boıynsha, partıanyń qurylymy, jumys jasaý tásili, eń mańyzdy tusy – ataýy da ózgerdi.
Partıanyń atyn ózgertip, «Amanat» dep ataý týraly usynysty QR Parlamenti Májilisiniń spıkeri Erlan Qoshanov myrza jasady. Prezıdentimiz, partıa Tóraǵasy Qasym-Jomart Kemeluly Toqaev bul usynysty qoldady.
Jetekshi saıası uıymnyń «Amanat» dep ózgerýi beker bolmasa kerek-ti. Ulan-ǵaıyr jerdi, ozyq dástúrlerdi, kól-kósir rýhanı qazynalardy bizge amanattap ketken qasıetti babalarymyzdyń amanatyna qıanat jasamaı, táýelsizdigimizdi tuǵyrly etý, elimizdiń jan-jaqty qýatty memleketke aınalýyna atsalysý árbirimizdiń boryshymyz ekeni belgili. Sondyqtan jıyn qorytyndysy boıynsha túbegeıli ózgeristerge túsken partıanyń «Jańa Qazaqstandy» qurý úshin belgilengen jańa mindettemelerin oryndaýǵa bar kúshimizdi salamyz.
Jańarǵan jyldyń, jańa kókteminiń alǵashqy kúninde jasalǵan jańa sheshimder el ıgiligine qyzmet etetinine senemin. El bolashaǵy jarqyn bolsyn!