Men, jalpy, Memleket basshysy Qasym-Jomart Kemelulynyń barlyq bastamalaryn qoldaımyn. Onyń ishinde partıanyń «Amanat» dep atalýy – úlken bastama, durys sheshim.
Halyqtyń, eldiń úmitin, armanyn arqalaǵan partıa bolatynyna senim artamyn. El senimin amanattap tapsyratyn partıa «amanatqa qıanat jasaıdy» dep oılamaımyn. Sol sebepten bul bastama el úshin úlken qadam bolyp otyr.
Taǵy bir aıta ketetin jaǵdaı, halyqtyń amanatynan bólek, partıaǵa da, bılikke de qatańdaý bolýy kerek dep oılaımyn. Sebebi, qazaqta «qamysty bos ustasań, qolyńdy kesedi» degen sóz bar.
Sondyqtan, jańa ataýǵa ıe bolǵan partıamyzdyń bolashaǵynan zor úmit kútip, keleshekte durys bastamalar usynyp, kemeldi sheshim qabyldaıtynyna senemin!