Balalardy qorǵaý jáne olardy úılesimdi damytý ákimdiktiń erekshe nazarynda.
Memleket basshysynyń sheshimimen bıyl Balalar jyly bolyp jarıalandy. Bul týraly qala ákimi Erbolat Dosaev Bostandyq aýdanynyń turǵyndarymen ótken kezdesýde aıtty, dep habarlaıdy Almaty-akshamy.kz
Qala ákimi jyl boıy qalada jeke jospar boıynsha balalarǵa arnalǵan is-sharalar, qaıyrymdylyq aksıalary men festıváldar ótkiziletini aıtty. Balalarǵa mektepke deıingi bilim berý, ıaǵnı balabaqshalar sanyn kóbeıtip qana qoımaı, olardyń sapasy men ınklúzıvtiligin arttyrý máseleleri de erekshe nazarda bolady.
«Mektepter, olardaǵy oryn tapshylyǵy týraly men joǵaryda aıtyp óttim. Tek Prezıdenttiń tapsyrmasy boıynsha balalardyń sport jáne shyǵarmashylyq úıirmelerge tegin qatysýyn jan basyna qarjylandyrý baǵdarlamasy iske asyrylyp jatqanyn atap ótkim keledi. Bıyl sport seksıalaryna qatysýǵa 3,2 mlrd teńge, al shyǵarmashylyq úıirmelerge 4 mlrd teńge bólindi», - dedi Erbolat Dosaev.
Sport seksıalaryna qatysatyn 44 myń balanyń 6,8 myńy Bostandyq aýdanynda turady. Olar 81 sport seksıasyna qatysady.
Sondaı-aq, qala boıynsha shyǵarmashylyq úıirmelerge 54 myń bala qatysady. Bostandyq aýdanynan 9 myń bala 115 shyǵarmashylyq úıirmege barady.
Shahar basshysy kezdesýde bul baǵdarlamanyń halyqtyń naqty qajettilikterine qaraı odan ári iske asyrylatynyn aıtty.