Oıyn-saýyq mekemesiniń aýmaǵynda sıntetıkalyq mefedron esirtkisin satyp júrgen 27 jastaǵy er adam ustaldy.
«Bizdiń bólimsheniń jedel qyzmetkerleri men polısıanyń arnaıy jasaǵy tańǵy saǵat úshte arnaıy is-shara júrgizdi. Kúdikti qamaýǵa alyndy. Bizdiń málimetimiz boıynsha, túngi klýbqa kelip júrgen 27 jastaǵy R.esimdi azamat esirtki taratýmen aınalysqan», – dedi, Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.
Kúdiktini tintý barysynda ashyq-sur tústi untaq túrindegi sıntetıkalyq zaty bar býma tabyldy. Qospa tárkilenip, sot-hımıalyq saraptamaǵa jiberildi.
Sotqa deıingi tergeý QR QK-niń 297 baby (Esirtki, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, ıemdený, saqtaý, tasymaldaý, jóneltý ne ótkizý) boıynsha tirkelgen. Ustalǵan azamat ýaqytsha ustaý ızolátoryna qamaldy. QR QK-niń 201 babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.