Jahandy dúrliktirgen jańa tehnologıalar týraly biz ne bilemiz?
Búginde jasandy ıntellekt (AI) kúndelikti ómirimizge kire bastady. Bul qyzyqty qubylys bizge aınalamyzdaǵy ózgerip bara jatqan álemdi, alǵa damyp ketken jańa tehnologıalardy túsinýge kómektesedi. Endeshe, jasandy ıntellekt (AI) uǵymy neni bildiredi? Tanymal AI modeli – ChatGPT degenimiz ne? Jańa tehnologıalarǵa qatysty osy jáne basqa da baǵdarlarǵa sholý jasap kóreıik.
- Jasandy ıntellekt degenimiz ne?
- AI – ınformatıkanyń bir salasy, ıaǵnı úıretilgen, oqytylǵan mashına. Bul ıntellekt talap etetin tapsyrmalardy oryndaı alatyn robotty jasaýǵa baǵyttalǵan jańa sala: kompúterlerge qabyldaýǵa, paıymdaýǵa, úırenýge jáne sheshim qabyldaýǵa múmkindik beretin algorıtmder men modelderdi ázirleýdi qamtıdy.
- Jasandy ıntellekt búginde densaýlyq saqtaý, qarjy, kólik jáne oıyn-saýyq sıaqty ártúrli salalarda jumys isteı bastady.
- Ol Siri nemese Alexa, Alısa sıaqty daýystyq kómekshilerge aqparat taýyp beredi, belgili bir máseleni sheshýge sizge usynys aıtady, avtonomdy kólikterdiń júrýin qadaǵalaıdy jáne t.b. kóp múmkindikteri bar.
- Jasandy ıntellekttiń úlken kólemdegi derekterdi óńdeý jáne úlgilerdi taný qabileti oǵan boljam jasaýǵa, sheshim qabyldaýǵa kómektesýge jáne tapsyrmalardy avtomattandyrýǵa múmkindik beredi.
- ChatGPT modeli
- OpenAI degen kompanıa ázirlegen. Birneshe mıllıard AQSH dollary ınvestısıa retinde quıylyp, birneshe jyl boıy jan-jaqty zerttelgen jasandy ıntellekttiń til úlgisi.
- Ol sizdiń suraqtaryńyzǵa adam sıaqty jaýap berý úshin, túsiný úshin jáne berilgen tapsyrmany oryndaý úshin kóptegen mátindik derekterge úıretilgen robot.
- ChatGPT sizben chat arqyly sóılese alady, suraqtarǵa jaýap beredi, aqparat beredi jáne siz tap bolǵan máselege oraı kómek usyna alady.
- ChatGPT qalaı jumys isteıdi?
- ChatGPT tereń oqytý dep atalatyn ádisti, ásirese transformator dep atalatyn modeldi paıdalanady.
- Mátindi kishirek bólikterge bóledi, olardyń qarym-qatynasyn taldaıdy jáne dáıekti jáne kontekstik sáıkes jaýaptardy saralaıdy.
- Mátinniń úlken jınaǵynan gramatıkany, faktilerdi jáne tipti keıbir dárejedegi paıymdaýdy túsinýge baǵdarlaıdy.
- Artyqshylyqtary men shekteýleri:
- AI adam múmkindikterin keńeıtýge, qaıtalanatyn tapsyrmalardy avtomattandyrýǵa jáne tıimdilikti arttyrýǵa múmkindik beredi.
- ChatGPT paıdaly aqparattar men usynystar berip, oqý resýrsy retinde áreket ete alady.
Degenmen, aıtyp otyrǵan jasandy sanada da shekteýler bar, ol keı aqparattyń shyn ne ótirik ekenin ajyrata almaıdy, adam sıaqty túsinik pen emosıa bildire almaıdy. Keıbir tapsyrmalardy múlde qate oryndaýy múmkin. Feık aqparattyń, fotolar men vıdeolardyń kóp taraýyna sebepshi bolyp qalatyny da sondyqtan.
- Etıkalyq másele de mańyzdy
- AI-ǵa hakim Abaıdyń búkil shyǵarmasyn, onyń oıyn, fılosofıasyn úıretip qoısa, ol erteń týra Abaı sıaqty shyǵarma jazyp, tolǵatyp, oı aıtyp otyrýy múmkin. Bul jerde etıkalyq másele týyndaıdy. Sondyqtan mashınany oqytýda ony paıdalanýdy qamtamasyz etý, avtorlyq quqyq pen etıka máselesi óte mańyzdy.
- Jasandy sana sizdi zerttep, sizdiń búkil aqparatyńyzdy komersıalyq maqsatta paıdalanýy múmkin. Sol arqyly paıdalanýshynyń jeke ómirine qol suǵýy múmkin. Sondyqtan qazir álemde bul másele de óte qatty talqyǵa túsip jatyr.
- AI-di úzdiksiz baqylaýda ustap, jumysyn baǵalaı bilý mańyzdy, óıtkeni onyń adamzatqa qyzmetinde qaýipsizdik máselesi de týyndaýy múmkin. Bylaısha aıtqanda, erteń jasandy sana damyp ketse ol ózin-ózi oqytyp, óz aldyna damyǵan órkenıet quryp, adamzattyq damýdyń jolynan bas tartýy múmkin. Iaǵnı ol adamzatqa qaýip tóndirýi bek yqtımal. Qazir ǵalymdardy alańdatyp otyrǵan osy másele.
Taǵy bir aıta keterlik másele, ChatGPT myqty aqyndarsha óleń shyǵaryp, tisqaqqan jazýshy sıaqty prozalyq, fantasıkalyq shyǵarmalardy da jazyp, sýrettik keskindemelerdi de sala alady, balalarǵa ertegi qurastyryp, kompanıańyzdyń jarnamalyq mátinin de keremetteı sıpattap bere alady. Ókinishke oraı, qazaq tilinde áli de jetik aqparat bere almaıdy. Negizgi tili – aǵylshyn.
Túıin:
Toqsan aýyz sózdiń tobyqtaı túıini, jasandy ıntellekt pen ChatGPT zamanaýı álemge qyzyqty múmkindikter men jańa salalar, damýdyń jańa kezeńin usynyp otyr. AI negizderin jáne ChatGPT sıaqty modelderdiń múmkindikterin túsiný arqyly biz olardyń shekteýlerin bile otyryp, artyqshylyqtaryn paıdalana alamyz. Bul tehnologıa damı beredi, ony paıdalanýdaǵy jaýapkershilik pen etıka máselesi mańyzdy bolyp qala beredi. Jasandy ıntellektti bizdiń bolashaǵymyzdy damytatyn, órkenıetti qoǵamdy qalyptastyratyn qýatty qural retinde moıyndaı otyryp, onyń múmkindikterin zerttep-zerdeleýdi jalǵastyryp, jańasha jumys istep, tyń tehnologıalardy úırenýmen aınalysa berý kerek. Jasandy sana jáne ChatGPT-ti odan ári zertteý adamzat úshin tipti de kóp múmkindikterdi ashady.
ChatGPT saıtyna tirkelý úshin Gmail poshtany paıdalanǵan abzal. Qazirgi ýaqytta ChatGPT-diń «GPT – 3.5» nusqasy tegin jumys istep tur. Eger aıyna 20$ qarajat tólep «ChatGPT Plus» jazylymyn alsańyz, GPT-4 nusqasyna qol jetkize alasyz. ChatGPT Plus kóptegen artyqshylyqtarǵa ıe. Ol tikeleı ınternetke qosylyp aqparat izdeı alady, kóptegen plagınder arqyly onlaın servıstermen jumys istep, sizge kómekshi bola alady. Paıdaly silteme: https://chat.openai.com/.