6,8 myń oqýshy «Altyn belgige» úmitker
Qazaqstanda 172 myń túlek mektep bitiredi, onyń ishinde 6,8 myń oqýshy «Altyn belgige» úmitker, dep habarlaıdy Almaty-akshamy.kz QazAqparatqa silteme jasap.
Bul týraly QR Oqý-aǵartý mınıstri Ǵanı Beısembaev Úkimet otyrysynda aıtty.
«Bıyl Qazaqstan mektepterinde 3,7 mln astam oqýshy oqý jylyn aıaqtaıdy. 11-synypty – 172 myń túlek bitiredi, onyń ishinde 6,8 myń túlek «Altyn belgige» úmitker», - dedi mınıstr Úkimet otyrysynda.
Oqý jylynyń aıaqtalýy boıynsha saltanatty sharany 1 maýsymda – Balalardy qorǵaý kúnin merekeleý sheńberinde ótkizý josparlanǵan.
Atestattardy saltanatty tabystaý bıyl 20-22 maýsym aralyǵynda ótedi.
Sondaı-aq, qorytyndy emtıhandar 9-synyptarda 4 pánnen 2-13 maýsym aralyǵynda, al 11-synyp túlekteri úshin 5 pánnen emtıhan 5-19 maýsym aralyǵynda ótedi.
Buǵan deıin Ǵanı Beısembaev oqý jylynyń nelikten uzartylǵanyn túsindirgen edi.