Almatyda balalar-jasóspirimder sport mektepteriniń tárbıelenýshileri men olardyń jattyqtyrýshylary «Almaty – bizdiń ortaq úıimiz» qalalyq bastamasy jáne respýblıkalyq «Taza Qazaqstan» baǵdarlamasy aıasynda ótip jatqan «Jarqyn kúz» kúzgi naýqanyn qoldady, dep habarlaıdy aqshamnews.kz
Jas sportshylar men olardyń tálimgerleri chellendjge qatysty, oqý oryndarynyń aýmaǵyn tazalap, qoqys jınady. Olar ár adamnyń bizdiń ortaq úıimiz – Almatynyń tazalyǵy men sulýlyǵyn saqtaý jolynda úles qosýynyń mańyzdylyǵyn atap ótti.
«Almaty – bizdiń ortaq úıimiz, ony taza ári ádemi etý úshin eń aldymen ózimizden bastaýymyz kerek», – dedi sportshylar.
Sondaı-aq, chellendj qatysýshylary qala turǵyndaryn súıikti qalamyzdy kútip-baptaýǵa, ekologıalyq naýqanǵa úlesn qosýǵa shaqyrdy.
«Barlyq nıet bildirýshiler kóshege shyǵyp, qalamyzdy kórkeıtýge, aǵash otyrǵyzýǵa qatysa alady. Almatyny birge taza ári gúldengen qalaǵa aınaldyraıyq», – dedi ORMBJSM №2 tárbıelenýshisi, Azıa chempıonatynyń júldegeri Maksım Balabın.
Esterińizge sala keteıik, 18-24 qazan aralyǵynda Almatyda qala kóshelerinde, aýlalarda, qoǵamdyq oryndarynda jáne jol boıyndaǵy ınfraqurylymda aǵashtardy sanıtarlyq maqsatta kesý, túsken japyraqtar men qoqystardy jınaý boıynsha aýqymdy jumystar qolǵa alynǵan.