Elimizde 28 qarasha kúni Almatyda alǵash ret taksı naryǵyna qatysty forým ótedi, dep habarlaıdy aqshamnews.kz.
Forýmda taksı naryǵyn retteý, Qazaqstandaǵy bolashaǵy, taksı qyzmetine salyq salý, parkterdi avtokóliktermen qamtamasyz etý, tutynýshy qaýipsizdigi, salany qarjylandyrý, saqtandyrý jáne Almaty qalasynyń taksı parkin elektr kólikterine kóshirý syndy ózekti máseleler talqylanbaq.
Jıynǵa sala mamandary men sarapshylar qatysady. Sondaı-aq taksı ındýstrıasy qaýymdastyǵynyń, Yandex Go kompanıasynyń basshylary qatysady.
Ulttyq statısıka búrosynyń málimetinshe, 2024 jyldyń bes aıynda atalǵan naryq sýbektileriniń kirisi 3 373,5 mln teńge bolǵan. Jalpy 28 437,5 myń adam tasymaldanǵan.
Eske sala keteıik, buǵan deıin elimizde taksı júrgizýshilerdiń jumysyna ózgerister engiziletini jaıynda jazǵan edik.