Talantty avtorlardy qoldap, qoǵamdaǵy eńbek mamandyqtarynyń mańyzdylyǵyn ashýdy kózdeıtin «Erlik pen eńbek dastany» baıqaýy bastaldy, dep habarlaıdy aqshamnews.kz.
Bul týraly QR Mádenıet jáne aqparat mınıstri Aıda Balaeva habarlady.
Baıqaýdyń negizgi maqsaty – kásibı sheberligi men qajyrly eńbeginiń arqasynda elimizdiń damýyna úles qosyp júrgen mamandardyń eńbegin dáripteý. Muǵalimder, dárigerler, kenshiler, fermerler, qurylysshylar, jýrnalıser, mýzykanttar, kitaphanashylar syndy túrli salanyń mamandarynyń eńbegi jas qalamgerlerdiń shyǵarmalary arqyly nasıhattalady.
Bul baıqaý tek mamandyqtyń ereksheligin ashyp kórsetýmen shektelmeı, keıipkerlerdiń ishki jan dúnıesin, olardyń armandary men kúndelikti ómirde kezdesetin qıyndyqtaryn kórkem túrde beıneleýdi talap etedi. Baıqaý jas avtorlarǵa eńbek adamdarynyń rýhyn, olardyń erekshe qasıetterin ashyp, jańa obrazdar jasaýǵa múmkindik beredi.
«Jeńimpaz kelesi jyly, ıaǵnı 2025 jyly Respýblıka kúninde anyqtalady. Al Qazaqstan Respýblıkasynyń Mádenıet jáne aqparat mınıstrligi eń úzdik kitaptyń jaryq kórýin jáne búkil el boıynsha taralýyn qamtamasyz etedi», – dep jazdy Aıda Balaeva óziniń Facebook paraqshasynda.
Baıqaýǵa qatysýǵa ótinimder 1 qazannan bastap qabyldanady.