Almaty oblysynda jastarǵa arnalǵan «Alataý jastary» baǵdarlamasy qaıta bastalady

Avtor aqshamnews.kz
15:10, 01 qazan 2024

Sýret: Egemen.kz

Almaty oblysynyń ákimdigi men «Otbasy bank» AQ 35 jasqa deıingi jastarǵa jeńildetilgen nesıe berý arqyly turǵyn úı satyp alýǵa múmkindik beretin «Alataý jastary» baǵdarlamasyn qaıta iske qosady.

Baǵdarlamaǵa qatysý úshin Almaty oblysynda resmı jumys ótili keminde 1 jyl bolýy qajet jáne bul zeınetaqy jarnalarynyń turaqty tólenýimen rastalýy kerek. Sondaı-aq, ótinish berýshi men onyń otbasy músheleriniń sońǵy 5 jyl ishinde attaryna tirkelgen jyljymaıtyn múlki bolmaýy tıis, dep habarlaıdy aqshamnews.kz.

Ótinishterdi qabyldaý 1-15 qazan aralyǵynda ótedi. Úmitkerler ótinishterin Qonaev qalasy, 1-shaǵyn aýdan, №41, «Báıterek» bıznes ortalyǵy, 1-qabat, akt zalynda ornalasqan oblys ákimdiginiń ishki saıasat basqarmasyna tapsyra alady.

Baǵdarlamaǵa qatysýshylar qalaı irikteledi?

Jumys ótiline baılanysty: 1 jyl jumys ótili úshin 2 bal, al árbir kelesi jyl úshin 1 bal beriledi (5 jylǵa deıin eskeriledi).

Otbasylyq jaǵdaıyna baılanysty: tirkelgen nekede bolsa 5 bal, al turmys qurmaǵandarǵa 1 bal.

Balalary barlar úshin: bir balaǵa 2 bal, eki nemese odan da kóp bala úshin 1 bal beriledi.

Memlekettik qyzmetshiler men búdjettik uıymdardyń qyzmetkerlerine 5 bal.

Jaldamaly páterdi óteıtin memlekettik qyzmetshilerge 10 bal.

Depozıtinde kemi 500 myń teńge salymy bar bank klıentterine 2 bal beriledi.

İriktelgen qatysýshylar Otbasy bankinde tólem qabilettiligin baǵalatýy qajet. Bank 18 mln teńgege deıin nesıe beredi, al eger múliktiń quny joǵary bolsa, aıyrmashylyqty óz qarajatyńyzdan tóleýińiz qajet.

Bastapqy jarna 10% quraıdy, al nesıe mólsherlemesi jyldyq 6%-dy (JTSM 6,2%-dan 6,8%-ǵa deıin) quraıdy. Nesıeni óteý merzimi 19 jylǵa deıin.