Atalmysh shara eki konkýrstyq baǵdarlamadan turady.
Almatyda 12-18 jeltoqsan aralyǵynda XVI halyqaralyq "Eýrazıa" kınofestıvali ótedi, dep habarlaıdy Almaty-akshamy.kz Inbusiness.kz silteme jasap.
Kınofestıval eki konkýrstyq baǵdarlamadan turady:
- halyqaralyq konkýrs – sońǵy 12 aıda Eýrazıa qurlyǵynda túsirilgen 15 tolyqmetrajdy fılm;
- ulttyq konkýrs – 2021-2022 jyldary túsirilgen 15 otandyq tolyqmetrajdy fılm.
Konkýrstan tys baǵdarlama – "Erekshe oqıǵada" ártúrli dáýir men janrlardaǵy tanymal álemdik kıno qaıratkerleriniń fılmderiniń retrospektıvasy, onyń ishinde mereıtoılyq fılmder, sondaı-aq festıváldiń ashylýy men jabylýynda kórsetiletin fılmder usynylmaq.
"Jańa esimder" baǵdarlamasy zamanaýı qysqametrajdy otandyq kınoǵa arnalady. Munda 2020-2022 jyldary túsirilgen jas rejıserlerdiń úzdik 15 fılmi kórsetiledi.
Jeńimpazdar úzdik fılm, úzdik rejıserlik jumys, úzdik er adam róli, úzdik áıel adam róli, qazylar alqasynyń arnaıy júldesi nomınasıalar boıynsha anyqtalatyn bolady.
Sonymen qatar festıválde Azıa kınosyn nasıhattaý jónindegi halyqaralyq uıymnyń qazylar alqasy bolady. Olar da óz jeńimpazyn anyqtamaq.
Kınematograftyń damýyna erekshe úles qosqandarǵa arnaıy syılyqtar beriledi.