Igi is!
Qazaqstanda 1 trln teńge somanyń nesıesi «Qarapaıym zattar ekonomıkasy» baǵdarlamasy aıasynda berilip, 3,5 myńdaı joba qoldaý tapqan, dep habarlaıdy Almaty-akshamy.kz Qazaqtv.com saıtyna silteme jasap.
Nátıjesinde 70 myń jumys orny qurylyp, 3,5 trln teńgeniń ónimi óndirilip, qyzmeti kórsetildi. Qarjylaı qoldaý kórsetilgen jobalardyń arasynda qaıta óńdeý, densaýlyq saqtaý, áleýmettik qyzmet, bilim berý salalary basym.
Memleket basshysy Qasym-Jomart Toqaev bıylǵy Joldaýynda «Qarapaıym zattar ekonomıkasy» baǵdarlamasyn 2022 jyldyń sońyna deıin uzartýdy tapsyrǵan edi.
Osy rette Ulttyq bank ekinshi deńgeıli bankter men Agrarlyq nesıe korporasıasynyń oblıgasıalaryn satyp almaq.
«Ulttyq bank tarapynan bólingen qarajat 2022 jyly ımportty almastyrýǵa jáne jańa óndiristerdi qurýǵa baǵdarlanǵan kásipkerlerdi jeńildetilgen nesıemen qamtamasyz etýge múmkindik berilip otyr», - dedi QR Ulttyq banki departamenti dırektorynyń orynbasary Ahmetalı Erjan.