Bul týraly Óńirlik komýnıkasıalar qyzmetinde ótken brıfıńte QR Prezıdenti janyndaǵy Memlekettik basqarý akademıasynyń Almaty qalasy boıynsha fılıalynyń dırektory Áıgerim Ábilova málim etti.
Eske salyp ótsek, Qazaqstan Respýblıkasy Prezıdentiniń janyndaǵy Memlekettik basqarý akademıasy - memlekettik qyzmetshilerdiń daıarlaýyn, qaıta daıarlaýyn jáne olardyń biliktiligin arttyratyn erekshe mártebesi bar joǵary oqý orny bolyp tabylady, dep habarlaıdy almaty-akshamy.kz.
2023 jyldyń qarasha aıynda Almaty qalasy boıynsha Memlekettik qyzmet isteri departamentimen birlesip jas talanttardy memlekettik qyzmetke tartýǵa baǵyttalǵan «Jas memlekettik qyzmetshiler mektebi» atty kezekti joba iske qosyldy. Joba kelesi jyldyń mamyr aıyna deıin júzege asyrylady.
«Joba aıasynda 2024 jyldyń qańtarynda stýdentter fılıal bazasynda bir aptalyq oqytýdan ótedi. Oqytý aıasynda jas talanttar jobalyq basqarýdyń negizderi jáne jobany ázirleý, ony qorǵaý, tıimdi komýnıkasıalar, praktıkalyq analıtıka jáne t.b. daǵdylaryn meńgerip, memlekettik qyzmettegi praktıkalyq keısterdi taldaıdy dep josparlanýda», - dedi A. Ábilova.
Qujattardy qabyldaý jyl saıyn tamyz-qyrkúıek aılarynda júrgiziledi, oqýdyń ózi qazan aıynda bastalady. Bıyl joba qarasha aıynda bastaldy. Jobaǵa Narhoz, Turan, ATÝ, QazUÝ-niń «Memlekettik basqarý» mamandyǵynyń sońǵy kýrs stýdentteri qatysa alady.
Akademıanyń negizgi qyzmeti memlekettik qyzmette kadrlar daıarlaýǵa, qaıta daıarlaýǵa jáne biliktiligin arttyrýǵa baǵyttalǵan.
«Memlekettik qyzmetshilerden basqa úmitkerler, ıaǵnı kvazısektor men jeke sektordaǵy úmitkerler arnaıy «Memlekettik basqarý» jáne «Óńirlik damý» bir jyldyq modýldik baǵdarlamalary boıynsha oqýǵa tapsyrý múmkindigi bar ekenin de eske salǵym keledi» – dep qosty A.Ábilova.
Sonymen qatar, bıyl memlekettik qyzmetshilerdi daıarlaýǵa qatysty zańnamalyq aktilerge birqatar mańyzdy ózgerister engizildi.
Mysaly, Akademıada memlekettik tapsyrys boıynsha B+ (GPA 3,33) deńgeıinen tómen emes oqý nátıjesimen oqýyn bitirgender oqýdy bitirgennen keıin bir jyl ishinde jergilikti atqarýshy organdarda, máslıhattar apparattarynda, revızıalyq komısıalarda, ortalyq memlekettik organdardyń jáne olardyń vedomstvolarynyń aýmaqtyq bólimshelerinde (Astana men onyń aýdandaryndaǵy jergilikti atqarýshy organdardan, máslıhat apparatynan, revızıalyq komısıalardan, ortalyq memlekettik organdar men olardyń vedomstvolarynyń aýmaqtyq bólimshelerinen basqa) «B» korpýsynyń memlekettik ákimshilik laýazymdaryna ornalasa alady.
Odan ózge, joǵary oqý oryndarynda joǵary oqý ornynan keıingi bilim berý baǵdarlamalary boıynsha memlekettik bilim berý tapsyrysy negizinde buryn bilim alǵan memlekettik qyzmetshiler memlekettik bilim berý tapsyrysy boıynsha Akademıanyń magıstratýrasyna nemese doktorantýrasyna qaıta oqýǵa túse alady
Spıker atap ótkendeı, 2023 jyly fılıalda 795 memlekettik qyzmetshi oqytyldy. Biliktilikti arttyrý semınarlarynda 531 memlekettik qyzmetshi, onyń ishinde 253 ortalyq memlekettik organdardyń aýmaqtyq departamentterinen jáne 278 jergilikti atqarýshy organdardyń memlekettik qyzmetshileri oqytyldy. Qaıta daıarlaý kýrstarynda 264 memlekettik qyzmetshi, atap aıtqanda 126 jergilikti atqarýshy organ, ortalyq memlekettik organdardyń aýmaqtyq departamentteriniń 138 memlekettik qyzmetshisi oqytyldy.
Sondaı-aq bıyl qazan aıynda máslıhat depýtattarynyń kásibı quzyrettiligi men praktıkalyq daǵdylarynyń deńgeıin arttyrý maqsatynda fılıalda “Máslıhattardyń róli men áleýetin kúsheıtýdiń zamanaýı tásilderi” taqyrybynda biliktilikti arttyrý semınary ótkizilip, onda Almaty qalasy máslıhatynyń 28 depýtaty oqytyldy.
«Aqpan aıynda Almaty qalasynyń aýmaqtyq saılaý komısıasymen birlesip saılaý komısıalarynyń tóraǵalary men músheleri úshin "Qazaqstan Respýblıkasyndaǵy saılaý prosesi: teorıa jáne praktıka" taqyrybynda 3 oqytý semınary ótkizilip, onda 61 adam oqytyldy», - dep atap ótti Akademıa fılıalynyń dırektory.
2023 jyly barlyǵy 11 qaıta daıarlaý kýrsy jáne 32 biliktilikti arttyrý semınary ótkizilip, barlyǵy 903 adam oqytyldy, onyń ishinde 639 – biliktilikti arttyrý semınarlarynan ótse, 264 memlekettik qyzmetshi qaıta daıarlaýdan ótti.