Almatyda «Qalalyq bilim berýdegi jańa tehnologıalardyń ǵylymı-ádistemelik ortalyǵynyń» uıtqy bolýymen jas pedagogterdiń «Jas kelse iske...» atty sleti ótti. Jalpy, bul slet 2019 jyldan beri ótkizilip keledi. Buǵan qosa, atalmysh ortalyq janynan ashylǵan qalamyzdaǵy «Jas pedagogter mektebi» de óz jumysyn jandandyryp, «Óz juldyzyńdy jaq» dep atalatyn qalalyq baıqaýdy ótkizýdi dástúrge aınaldyryp otyr. Bul baıqaýdyń ereksheligi jeńimpaz bolǵan jas maman «Jańa mektepke – jańashyl ustaz» atty respýblıkalyq baıqaýǵa qatysa alady.
Sonymen, kezekti V slet Alataý aýdandyq Oqýshylardyń ınovasıalyq shyǵarmashylyq ortalyǵynda ótip, oǵan 600-den asa mektepke deıingi mekeme, orta bilim berý uıymdarynan jáne kolejderdiń pedagogıkalyq 3 jylǵa deıingi ótili bar jas mamandary qatysty.
Slet barysynda jas mamandar ózara tájirıbe almasyp, sheberlik synyptaryna qatysty. Sonymen qatar, «Óz juldyzyńdy jaq-2024» baıqaýynyń 21 jeńimpazy men olardyń tálimgerleri Bilim basqarmasynyń, qalalyq «Ustaz» jergilikti kásiptik odaǵynyń Alǵys hattarymen marapattaldy.