El Prezıdenti Qazaqstan halqyna arnaǵan kezekti Joldaýynda ult bolashaǵyn nyǵaıtý úshin buqaralyq sportty damytý qajet ekenin basa aıtqan edi. Qazirgi tańda osy baǵyttaǵy jumystardy jandandyrý memleket saıasatynyń basty basymdyǵynyń birine aınalyp otyr. Onyń ústine salaýatty urpaq qalyptastyrý úshin buqaralyq sportty jandandyrýdyń qajet ekenin ýaqyttyń ózi de dáleldep otyr. Osyǵan oraı, Memleket basshysynyń tapsyrmasyn oryndaý maqsatynda Almaty qalalyq Sport basqarmasynyń tikeleı qoldaýymen Túrksib aýdanyndaǵy №211 mektep-gımnazıa shańyraǵynda ulttyq sport túrlerinen «Asyk party-2024» atty jarys ótti.
Sporttyń jarystyń ashylý saltanatynda qalalyq Deneshynyqtyrý ortalyǵynyń dırektory Baqtıar Elemesov sóz alyp, jas urpaq boıyna qundylyqty sińirýdiń basty joly-,ulttyq oıyndardy nasıhattaý ekenine toqtaldy.
-Qazirgi tańda elimizde sporttyń damýyna aıryqsha kóńil bólinip, barlyq jaǵdaı jasalyp jatyr. Jastaıynan sportty serik etken balanyń bolashaqta jat uylyqtan aýlaq, deni saý bolyp ósetinin ómirdiń ózi dáleldep otyrǵan joq pa? Bizdiń qalamyzda sportpen aınalysam degen adamǵa barlyq jaǵdaı bar. Taýǵa shyǵyp, shańǵy tebýge, tómenge túsip kónkı tebýge bolady. Sport saraılary, oıyn alańdary qanshama? Tek ýaqyt bólip, sportpen dostasa bilý kerek. Uıymdastyrylyp otyrǵan sharanyń maqsaty da osy,-degen Ortalyq dırektory sportshylardy bıikke bastaǵan doda jalǵasatynyn jetkizdi.
Ulttyq sportty nasıhattaý maqsatynda ótkizilip otyrǵan dodaǵa aýdannyń barlyq bilim mekemeleri qatysyp, jarys kórigin qyzdyrdy. Sporttyq jarysqa qatysýshylar «Asyq atý», «Tymaq urý», «Arqan tartys», «Buqa tartys», «Bestemshe» syndy ulttyq sport túrlerinen jarysqa túsip, belsendilik tanytty.
-Sporttyq jarysqa daıyndyq barysynda oqýshylardyń erekshe qyzyǵýshylyǵyn baıqadym. Sondyqtan, árbir mereke aıasynda osyndaı úlken jarystar ótkizýdi úrdiske aınaldyrsaq pa dep otyrmyz. Osy balalardyń arasynda erteńgi el namysyn qorǵaıtyn ataqty sportshylardyń júrmesine kim kepil?-deıdi mektep basshysy Aıjan Qasymova.
Ulttyq sport jarysynyń qortyndysy boıynsha №59 mekteptiń «Altyn saqa» komandasy-İ oryn, №162 mekteptiń «Qyran» komandasy İİ-oryn, №198 mekteptiń «Suńqar» komandasy İİİ-oryndy ıelendi, «Asuk Party» estafetasyn №59 mektep-gımnazıa jeńip aldy. 