Prezıdentimiz Qasym-Jomart Toqaev «Egemen Qazaqstan» gazetine bergen suhbatynda ǵylym men bilim tóńireginde biraz sóz qozǵady. Sonyń ishinde qoǵamdaǵy qarjylyq saýattylyqtyń orny erekshe ekenin atap ótken edi.
Elimizde básekelestik deńgeıi joǵary. Jumys sapasyn arttyrý kerek. Tanys arqyly jumysqa turý, jemqorlyq degen nárseni tamyrymen joıý basty mindet. Bizdiń qoǵamda bilimdi, daryndy mamandar kóp. Óziniń jumysyn durys atqara almaıtyndardy ornynan bosatyp, isteı alatyn bilikti mamandy ornalastyrý mańyzdy.
Bizdiń memlekette ǵalymdardyń sany az. Kórshiles Japonıa memleketinde 60 myńǵa jýyq ǵalym bar eken. Bizdiń memlekette 10 myńǵa da jetpeıdi. Negizgi mańyzdy jańalyqtardyń bári osy ǵalymdardan shyǵady. Sondyqtan ǵalymdardyń sanyn arttyrý mańyzdy. Osy oraıda, úkimet tarapynan kóptegen granttar bólinýde. Qazirgi tańda joǵarǵy oqý oryndaryn mańyzdy eskeretin nárse bar. Ol kadr daıarlaýdaǵy qarjylyq saýattylyqtyń orny. Sebebi, kóptegen adamdar qarjylyq saýattylyq bolmaǵandyqtan alaıaqtarǵa aldanyp qalyp jatady. Sonymen qatar, nesıege alǵandaǵy qosylatyn paıyz jaıynda bilmeý óziniń keri áserin tıgizedi.
Kez kelgen sheshim halyq baqylaýynda bolý kerek. Bolashaq – jastardyń qolynda. Sondyqtan da biz sheteldiń joǵarǵy oqý oryndarymen baılanys ornatamyz. Bilim deńgeıi joǵary memleketterde oqyǵan jastarymyz erteń úlken nátıjeler kórsetedi. Jastarymyzǵa durys baǵyt-baǵdar berýimiz kerek. Prezıdentimiz aldymyzǵa kóp máseleler qoıdy. Ony oryndaý barlyǵymyzdyń paryzymyz. Ult bolyp birigip, elimizdiń damýyna óz úlesimizdi tıgizeıik. Sóz ben istiń arasyndaǵy aıyrmashylyqtyń alshaq bolmaýy mańyzdy.