Medeý aýdany turǵyndaryn jaryqpen qamtamasyz etý úshin «Drýjba Sport» baý-baqsha seriktestiginiń uzyndyǵy 5 shaqyrym elektr jelilerin rekonstrýksıalaý jáne 3 transformatorlyq podstansıany ornatý jumystary júrgizilýde. Bul týraly Almaty qalasynyń ákimi E.Dosaev málim etti, dep habarlaıdy Almaty-akshamy.kz.
Búgingi tańda 93 tirekti ornatý jumystary tolyǵymen aıaqtalǵan. 2 shaqyrym jerasty kabelin jáne 1,2 shaqyrym jer ústi jelisin ornatý jumystary jalǵasýda. Qurylys-montajdaý jumystaryn aıaqtaý merzimi - osy jyldyń qarasha aıy.
Gornaıa, Shybynsaı kósheleriniń, Muztaý, Keńsaı (1,2,3,4) shaǵyn aýdandarynyń jáne baý-baqsha seriktestikteriniń turǵyndary úzdiksiz elektrmen qamtamasyz etý úshin uzyndyǵy 33,8 shaqyrym ıesiz elektr jelilerin rekonstrýksıalaý jáne 11 transformatorlyq podstansıany salý jumystary aıaqtaldy, -dedi qala ákimi.
«Asqartaý» shaǵyn aýdanynda elektr jelilerin salý úshin jobalaý-smetalyq qujattama daıyndalýda. Osy jyldyń qazan aıynda jobalaý-smetalyq qujattamalyq jumystary aıaqtalýy tıis.