Almatynyń Jetisý aýdanynyń ákimdiginde aýqymdy ınfraqurylymdyq jobalardyń júzege asyrylý barysy týraly aıtyldy, dep habarlaıdy almaty-akshamy.kz.
2019 jyldan bastap 190 myńnan astam halqy bar aýdanda 96,7 km sýmen jabdyqtaý jáne sý burý jelilerin qaıta jańartý sıaqty basym jobalardy júzege asyrý keshiktirildi.
2020 jyly jańa ákim Gúlnár Kókebaeva kelgesin qurylys ilgerileı bastady. Jumysty «Alvıs» jáne «Elektroremont» JSHS merdigerlik uıymdary oryndady. Bıyl birinshi merdiger qazylǵan kóshelerdi tolyq asfálttap jumysyn aıaqtady, ekinshi merdiger osy jyly oıyq-shuńqyry bar joldarǵa ortasha jóndeý júrgizý josparlanǵan.
Fýnksıalardy ortalyqsyzdandyrý aıasynda 2023 jyly «NKO» JSHS jáne «AlmatyInjStroı» AQ merdigerlik uıymdarynyń sýmen jabdyqtaý jáne sý burý jelilerin salý jumystary bastaldy. Joba aıasynda 16 myń abonent qamtylady, sý qubyry jelileriniń jalpy uzyndyǵy – 85,97 km jáne káriz jelileri 90,2 km.
Jetisý aýdanyn tolyq qamtıtyn bul jobalar úsh jylǵa eseptelgen.
Bıyl Almaty oblysynan qalaǵa qosylǵan Kemel shaǵyn aýdany turǵyndarynyń bir bóligi turaqty qalalyq sýmen qamtamasyz etiledi. Uzaq jyl boıy turǵyndar sý tapshylyǵyn tartyp kelgen edi. Sonymen qatar, Kemel shaǵyn aýdanynda 43,5 km elektr jelisi salyndy, sonyń arqasynda qazir qala turǵyndary turaqty qalalyq elektr qýatyna qosyldy.
Sondaı-aq uzyndyǵy 32,5 km Palladın-Pavlodar-Boraldaı, Taımyr kósheleriniń aýmaǵynda jańa elektr jelileri salyndy.
8,4 km magıstraldyq jylý jelileri qaıta jańartyldy.
Kóshe jaryǵy da sheshimin tapty, bıyl jańa baǵanalar ornatylyp, 150 jartylaı jaryq júrgizilmegen kóshede 35 myń km astam kabel salyndy. Aýdannyń barlyq magıstraldyq kóshesinde (Soltústik aınalma, Seıfýllın, Rysqulov, Jansúgirov jáne t.b.) kóshe jaryǵy jańǵyrtyldy.
Aıta keteıik, Jetisý aýdanynyń ákimi laýazymyna Gúlnar Kókebaeva 2020 jyldyń qazan aıynda taǵaıyndalǵan bolatyn.